Для каго: стваральнікі(-цы), дызайнеры(-кі), даследчыкі(-цы), назіральнікі(-цы) і калектывы ў сферы лічбавай культуры.

Падавацца могуць заяўнікі(-цы), якія базуюцца ў Каралеўстве Нідэрландаў: Нідэрланды, Аруба, Банэйр, Кюрасаа, Саба, Сінт-Эстатыус або Сінт-Мартэн.

Патрэбная рэгістрацыя ў Dutch Chamber of Commerce або іншым гандлёвым рэестры ў межах Каралеўства Нідэрландаў.

Праграма падтрымлівае праекты, якія:

• Робяць бачным экалагічны ўплыў лічбавых тэхналогій і спажывання даных;
• Прапануюць спосабы зменшыць гэты ўплыў;
• Распрацоўваюць больш устойлівыя тэхналагічныя і мастацкія практыкі;
• Убудоўваюць устойлівасць не толькі ў тэму, але і ў метады працы, супрацоўніцтва і тэхнічныя рашэнні.

Арганізатары прапануюць крытычна паглядзець на тое, што часта здаецца «нябачным»: воблачнае захоўванне даных, дата-цэнтры, generative AI, сыравіна для абсталявання, электронныя адкіды і энергаспажыванне.

Магчымыя тэмы:

• Regenerative culture;
• Degrowth;
• Low-tech-падыходы;
• Паўторнае выкарыстанне састарэлага абсталявання;
• Адказнасць за тэхналогіі, якімі мы карыстаемся;
• Экалагічны і сацыяльны ўплыў лічбавай інфраструктуры;
• Больш справядлівая і кліматычна свядомая лічбавая культура.

Гэта можа быць:

• Распрацоўка інструментаў, метадаў працы або сістэм;
• Мастацкае даследаванне або research by design;
• Падзеі для абмену ведамі;
• Развіццё інфраструктуры або супольнасці вакол устойлівай лічбавай культуры;
• Новыя праекты або пераасэнсаванне ўжо існых ініцыятываў.

Праект можа доўжыцца максімум 1 год. Падтрымаюць мінімум 11 праектаў.

Прапануецца да 30 000 EUR на праект.

Грант можна выкарыстоўваць на мастацкае і змястоўнае развіццё, даследаванне, супрацу, абмен ведамі, прэзентацыю і дакументацыю.

Нельга падавацца:

• Культурным інстытуцыям;
• Тым, хто ўжо атрымлівае або атрымае ў 2026 годзе падтрымку Talent Development Grant Scheme, Open Call: Self-taught Designer або Open Call: Emerging Design Practices ABCSSS;
• Тым, хто атрымаў Grounding the Cloud у 2025 годзе і яшчэ не завяршыў праект;
• З праектамі без яснай сувязі з тэмай набору;
• З праектамі, якія ўжо завершаныя або накіраваныя галоўным чынам на прамоцыю / маркетынг.

Крытэрыі ацэнкі:

• Мастацкая якасць прапановы;
• Значнасць даследчага пытання для сферы лічбавай культуры;
• Пазіцыя і рэфлексія заяўніка(-цы) адносна тэмы;
• Рэалістычнасць плана, метадаў, экспертызы і супрацоўніцтва.

Для падачы патрэбны:

• Запоўненая анлайн-заяўка;
• Праектны план — да 5 старонак A4;
• Таймлайн — да 1 старонкі A4;
• Бюджэт і фінансавы план — да 2 старонак A4;
• Партфоліа з рэлевантнымі працамі — да 10 старонак A4;
• CV удзельнікаў(-ц);
• Вытрымка з гандлёвага рэестра, не старэйшая за 1 год;
• Лісты намеру або дамовы з партнёрамі, калі актуальна;
• Выява праекта для камунікацыі.

Важна: акаўнт на платформе падачы актывуецца адзін працоўны дзень, таму лепш стварыць яго загадзя.

Кансультацыі:

• 6 жніўня і 3 верасня 2026 года, 15:00 CEST
  Мова — англійская.

Дэтальнае апісанне крытэрыяў, умоваў і працэдуры — у дакумэнце Open Call Grounding the Cloud.