Для каго:

• Візуальныя мастакі(-чкі) ў любым медыуме — узоры працаў можна падаваць як jpeg, аўдыя або відэа;
• Ад 21 года, верхняй межы няма;
• Патрабаванняў да этапу кар'еры не пазначана; місія праграмы сфармуляваная як магчымасць зрабіць першую галерэйную выставу ў Японіі;
• Заяўку прымаюць толькі па-англійску.

Даты: чатыры тыдні, з 1 да 30 чэрвеня 2027 года.

Што прапануецца:

• Пералёт у абодва канцы да аэрапорта Нарыта або Ханэда;
• 800 USD на харчаванне і мясцовы транспарт;
• Пражыванне ў hôtel ami hayama: асобны пакой у агульным жыллі, якое вы дзеліце з адным(-ой) іншым(-ай) рэзідэнтам(-кай), на ўсе чатыры тыдні;
• Дапамога з лагістыкай прыезду і выезду і з арыентацыяй у аўтобусах і цягніках;
• Групавая выстава падчас побыту — у партнёрскай галерэі KOKI ARTS у токійскім Бакурочо.

Што чакаецца ад удзельнікаў(-ц):

• Удзел у групавой выставе. Адбор працаў, перасылку і страхаванне каардынуюць куратарская каманда разам з дырэктарам(-кай) KOKI ARTS. Арганізатары падкрэсліваюць, што важная гатоўнасць працаваць у супрацы — прастора абмежаваная, а міжнародная перасылка дарагая;
• Удзел у некалькіх запланаваных падзеях і праграмах падчас побыту;
• «You are not required to make art during the residency» — адпачынак, даследаванне і рэфлексія таксама вітаюцца;
• Парушэнне правілаў або мясцовых законаў можа прывесці да выключэння з рэзідэнцыі і спынення побыту.

Важна пра ўзнос — падача платная:

• 95 USD для тых, хто падаецца ўпершыню: «Yes, there is a $95.00 USD application fee for first-time applicants»;
• Для тых, хто падаецца другі раз, узнос скасоўваюць: плата за 2027 год «пераносіцца на наступны год», то-бок другая заяўка будзе без узносу;
• Тыя, хто ўжо падаваўся на чэрвень 2026 года, падаюцца па іншай спасылцы: трэба напісаць на director@hayamaartistresidency.com і папрасіць бясплатную форму. Поўную новую заяўку пры гэтым усё роўна трэба скласці.