House of Rest — рэзідэнцыя-адпачынак для работнікаў(-ц) арт-сектара ў Чэхіі
House of Rest — пяцідзённая рэзідэнцыя-адпачынак ад Studio ALTA для людзей, якія адчуваюць перагрузку і ціск. Гэта можа быць прастора для запаволення, пераналадкі сваёй практыкі, бяздзейнасці, клопату і аднаўлення. Рэзідэнцыя не патрабуе ніякага выніку і не прадугледжвае абавязковага ўдзелу ў актыўнасцях.
Праграма прызначаная найперш для тых, хто працуе поўнасцю або часткова ў незалежным арт-сектары ў Чэхіі.
Адбор:
Удзельнікі(-цы) будуць выбраныя праз random draw. Арганізатары падкрэсліваюць, што не лічаць правільным вырашаць, каму адпачынак патрэбны больш, а каму менш.
Будуць выбраныя 2 чалавекі.
Што прапануецца:
- 5-дзённая рэзідэнцыя-адпачынак у месцы, якое будзе ўзгоднена з выбранымі ўдзельнікамі(-цамі);
- Ганарар 6000 CZK / ≈ 249 EUR на чалавека.
Калі: сакавік — лістапад 2027. Дакладныя даты і месца будуць вызначаныя ў супрацы з абранымі ўдзельнікамі(-цамі). Рэзідэнцыя можа адбыцца ў горадзе або на прыродзе, каля дома або ў іншым рэгіёне Чэхіі.
Для падачы патрэбны:
- Імя;
- Горад і краіна цяперашняга знаходжання;
- Кантактны тэлефон;
- Кароткае CV або спасылка на профіль, які пацвярджае прафесійную дзейнасць;
- Прафесійны кантэкст: у якой сферы вы працуеце — production, dramaturgy, curating, PR, тэхнічная або іншая падтрымліваючая прафесія;
- Краіна, дзе вы пераважна прафесійна працуеце;
- Пацвярджэнне, што вы поўнасцю або часткова працуеце ў незалежным арт-сектары.
Вынікі: 16 верасня 2026.