Для каго: мастакі(-чкі), перформеры(-кі), творчыя групы і калектывы, якія працуюць з перфарматыўным мастацтвам і хочуць стварыць або адаптаваць праект для спецыфічнай прасторы сауны.

Падавацца могуць як праекты, якія ўжо знаходзяцца ў распрацоўцы, так і праекты на ранняй стадыі.

Што прапануецца:

• Ганарар 15 000 CZK / ≈ 623 EUR на праект;
• Прасторы для творчай працы: сауна, рэпетыцыйныя залы і публічныя прасторы вакол Studio ALTA паводле патрэбаў праекта;
• Драматургічная падтрымка і кансультацыі каманды падчас развіцця праекта;
• Вытворчая падтрымка і кансультацыі падчас рэзідэнцыі;
• Тэхнічная кансультацыя;
• PR-кансультацыя і падтрымка праекта ў сацыяльных сетках Studio ALTA;
• 2 дні інтэнсіўнай вытворчай і тэхнічнай падтрымкі ў фінальнай фазе праекта;
• Доступ да тэхнічнага абсталявання Studio ALTA.

Абавязковая публічная прэзентацыя ў форме work-in-progress або прэм’еры ў прасторы сауны і яе ваколіцах. Публічная прэзентацыя павінна адбыцца ў межах праграмнага блока 9–12 лютага 2027 года. Па ўзаемнай зацікаўленасці праект можа быць уключаны ў гадавую праграму Studio ALTA.

Для падачы патрэбны:

• Імя або назва калектыву;
• Назва працэсу / праекта / даследавання — рабочая назва падыходзіць;
• Горад і краіна, дзе вы базуецеся;
• Кантактны тэлефон;
• Сайт або сацыяльныя сеткі;
• CV — 1–2 старонкі;
• Партфоліа ў PDF з 3 прыкладамі вашых прац, пажадана нядаўніх;
• Тлумачэнне, чаму сауна як прастора і фармат важная для праекта — да 800 знакаў;
• Апісанне працы з цялеснасцю, цяплом, блізкасцю аўдыторыі і абмежаванай ёмістасцю прасторы;
• Апісанне каманды і роляў;
• Апісанне праекта — да 1200 знакаў;
• Вытворчыя і практычныя звесткі з улікам спецыфікі сауны: вільготнасць, цяпло, абмежаваная прастора, электрабяспека, максімальная колькасць гледачоў(-ак), таймлайн — да 800 знакаў;
• Кароткае апісанне вашай практыкі і творчага падыходу — да 600 знакаў;
• Дадатковыя матэрыялы, чаканні або пытанні, калі ёсць.