IAAC 12 — 10 000 EUR за рэцэнзію пра выставу сучаснага мастацтва
International Awards for Art Criticism (IAAC) праводзіць дванаццаты выпуск. Аргкамітэт ставіць мэтай падтрымаць незалежнае крытычнае пісьмо пра сучаснае мастацтва.
Для каго:
- Аўтары(-кі) з любой кропкі свету — абмежаванняў па краіне, грамадзянстве ці ўзросце няма;
- Пісаць трэба па-англійску або па-кітайску.
Што трэба напісаць: рэцэнзію на любую выставу сучаснага мастацтва, якая прайшла дзе заўгодна ў свеце або анлайн з 1 верасня 2025 па 31 жніўня 2026 года. Аб’ём — 1 500 слоў па-англійску або 2 500 іерогліфаў па-кітайску.
Прапануецца:
- Першая прэмія — 10 000 EUR да падаткаў, або эквівалент у юанях (цяпер каля 80 000 RMB);
- Тры другія прэміі — па 3 500 EUR да падаткаў, або каля 30 000 RMB кожная.
Што чакаецца ад удзельнікаў(-ц): дасланая праца не мусіць быць апублікаваная нідзе раней.
Для заяўкі патрэбныя: тэкст рэцэнзіі патрэбнага аб’ёму на англійскай або кітайскай мове. Поўны пералік патрабаванняў да афармлення — на старонцы конкурсу.
Арганізатары: аргкамітэт IAAC, факультэт філасофіі Універсітэта Фудань і Shanghai Zhangyuan Art Museum (у стадыі стварэння), пры падтрымцы Royal College of Art у Лондане, Edinburgh College of Art і Міжнароднай асацыяцыі мастацкіх крытыкаў (AICA).