Каб падацца, трэба:

• Жыць у адной з 41 краіны Creative Europe — поўны спіс ёсць у Q&A арганізатараў(-ак)(знешні сайт);
• Адпавядаць азначэнню emerging (мастак(-чка) на раннім этапе) хаця б па двух крытэрыях з трох: эстэтычным — новыя мастацкія формы для публічнай прасторы; геаграфічным — мала міжнародных гастроляў або праца ў краіне, дзе такое мастацтва слаба падтрымліваюць; пакаленным — новае пакаленне мастакоў(-чак) у гэтым полі;
• Мець праект, які ўжо выйшаў за межы ідэі, але яшчэ не меў прэм'еры і не гастраляваў;
• Планаваць паказ праекта публіцы прыкладна летам 2028 года.

Калектывы таксама могуць падавацца, але ў праграме ўдзельнічаюць максімум два чалавекі — заяўку трэба падаваць дуэтам.

Што прапануецца:

• Анлайн-навучанне і абмен вопытам пра стварэнне мастацтва ў публічнай прасторы — з сакавіка 2027 года;
• Лабараторыя (immersive lab) у аднаго з партнёраў сеткі — асабістая сустрэча з навучаннем і нетворкінгам паміж траўнем і вераснем 2027 года;
• Ганарар 1500 EUR за ўдзел у лабараторыі — у дуэце яго атрымлівае кожны(-ая);
• Дарога на лабараторыю (авіяпералёт — да 300 EUR), харчаванне і пражыванне;
• Месца ў міжнародным анлайн-каталогу IN SITU(знешні сайт).

Што чакаецца ад удзельнікаў(-ц):

• Прайсці анлайн-праграму, якая пачынаецца ў сакавіку 2027 года;
• Асабіста прыехаць на адну лабараторыю паміж траўнем і вераснем 2027 года.

Для заяўкі патрэбныя:

• Анлайн-форма па-англійску — часткі дакументаў без перакладу прымуць, калі яны не замінаюць зразумець праект;
• Для калектыву — адна сумесная заяўка на дуэт.

У форме можна растлумачыць, чаму вы лічыце сябе emerging. Поўны пералік пытанняў і матэрыялаў — у тэксце open call #3(знешні сайт) і ў самой форме.

Як падавацца:

Праз анлайн-форму(знешні сайт). Можна падаць заяўку ў відэа- ці аўдыяфармаце. Тэкст open call ёсць таксама ў аўдыя- і відэаверсіі, буйным шрыфтам і на іншым колеры фону — спасылкі на старонцы набору.

Кантакт: insitu@lieuxpublics.com — у тым ліку калі патрэбны іншы даступны фармат.