Для каго:

Журналісты(-кі) з ЗША і іншых краін, людзі на аперацыйных і стратэгічных пасадах у медыя, а таксама супрацоўнікі(-цы) арганізацый, якія падтрымліваюць журналістаў(-ак) або працуюць з імі.

• Трэба мець не менш за 5 гадоў прафесійнага досведу;
• Студэнцкая праца і стажыроўкі ў гэты досвед не лічацца;
• Можна працаваць у штаце або як фрылансер(-ка) — у апошнім выпадку большая частка працы павінна быць у журналістыцы;
• Дыплом ВНУ або праца ў традыцыйнай рэдакцыі не абавязковыя;
• Патрэбная добрая пісьмовая і вусная англійская, TOEFL не патрэбны.

Абмежаванні: стыпендыю не могуць атрымаць грамадзяне(-кі) краін, для якіх ЗША прыпынілі выдачу віз катэгорыі J (актуальны спіс абмежаванняў Дзярждэпартамента ЗША).

Дзе і калі: Stanford University (ЗША), з верасня 2027 па травень 2028 года, у поўным аб'ёме.

Прапануецца:

• Стыпендыя 135 000 USD ≈ 116 000 EUR на дзевяць месяцаў;
• Навучанне ў Стэнфардзе і медыцынская страхоўка для стыпендыята(-кі), а таксама для мужа ці жонкі і дзяцей, якія едуць разам;
• Дапамога з пошукам жылля і адаптацыяй;
• Індывідуальны коўчынг, варкшопы і доступ да alumni-сеткі JSK.

Што чакаецца ад удзельнікаў(-ц):

• Жыць у Стэнфардзе ўвесь акадэмічны год і займацца толькі праграмай;
• Удзельнічаць у штотыднёвых сустрэчах групы і сустрэчах з дарадцам(-цай);
• Публічна дзяліцца сваёй працай і высновамі цягам года.

Для падачы патрэбныя:

• Анлайн-форма з пытаннямі пра досвед і мэты;
• Рэзюмэ;
• Прыклад працы (калі ён не па-англійску — арыгінал з кароткім апісаннем па-англійску);
• Кантакты трох асобаў для рекамендацыі (лісты не патрэбныя).

Дэдлайн: 2 снежня 2026 года, 13:00 PST / 22:00 CET.

Таймлайн:

• Пачатак сакавіка 2027 года — першы адбор;
• Сакавік — інтэрв'ю ў Zoom;
• Красавік — прапановы для міжнародных удзельнікаў(-ц);
• Жнівень — пераезд у Стэнфард;
• Пачатак верасня — арыентацыя.

Кантакт: jskfellowships@stanford.edu