Kim Wall Memorial Fund 2027 — 5 000 USD на рэпартаж пра субкультуры для журналістак і небінарных людзей у журналістыцы
Kim Wall Memorial Fund — штогадовы грант International Women's Media Foundation (IWMF), амерыканскай некамерцыйнай арганізацыі, якая падтрымлівае жанчын у журналістыцы. Фонд у 2018 годзе заснавалі сям'я і сябры шведскай журналісткі Kim Wall, якая пісала пра людзей і супольнасці, што рэдка трапляюць у вялікія медыя. Грант даюць на рэпартажы пра субкультуры ў шырокім сэнсе.
Для каго:
- Жанчыны і небінарныя людзі з любой краіны, якія працуюць у журналістыцы і маюць не менш за год прафесійнага досведу ў навінавых медыя (стажыроўкі не залічваюцца);
- Трэба добра валодаць англійскай мовай — пісьмова і вусна; сам матэрыял можна публікаваць на любой мове;
- Трэба мець пацверджанне цікавасці ад рэдактара(-кі) або досвед публікацый у вядомых медыя.
Не могуць падавацца:
- Рэдакцыі і арганізацыі.
Тэма:
Фонд падтрымлівае гісторыі ў духу рэпартажаў Kim Wall — пра субкультуры ў шырокім сэнсе і людзей, якіх звычайна не заўважаюць мэйнстрымныя медыя. Сама журналістка называла свой падыход пошукам «undercurrents of rebellion» (падводных плыняў бунту).
Што прапануецца:
- Грант 5 000 USD (≈ 4 500 EUR) на рэпартажны праект;
- Грошы можна выдаткаваць на дарогу, лагістыку, страхоўку, візавыя зборы, ганарары, а таксама на аплату працы прадзюсараў(-ак), перакладчыкаў(-ц) і іншых спецыялістаў(-ак);
- Частку бюджэту можна закласці на партнёра(-ку) па рэпартажы — напрыклад, фатографа(-ку) або прадзюсара(-ку).
Для заяўкі патрэбныя:
- Пацверджанне цікавасці ад рэдактара(-кі) або спасылкі на публікацыі ў вядомых медыя;
- Бюджэт праекта.
Таймлайн:
- Імёны пераможцаў штогод абвяшчаюць 23 сакавіка, у дзень нараджэння Kim Wall.
Арганізатар:
International Women's Media Foundation (IWMF) — некамерцыйная арганізацыя з ЗША, якая падтрымлівае жанчын-журналістак і свабоду прэсы. Kim Wall Memorial Fund IWMF стварыла разам з сям'ёй і сябрамі Kim Wall — шведскай міжнароднай карэспандэнткі, чые тэксты выходзілі ў The New York Times, The Guardian, Harper's, Foreign Policy і іншых выданнях.
Важна:
- Грант не пакрывае куплю або арэнду абсталявання;
- Фонд не падтрымлівае акадэмічныя даследаванні і даследаванні для акадэмічных публікацый;
- Колькасць грантаў на 2027 год ва ўмовах не пазначаная; у мінулыя гады іх было два–тры.