Для каго: журналісты(-кі), пісьменнікі(-цы), дакументальныя фатографы(-кі) і фотажурналісты(-кі) — без абмежаванняў па грамадзянстве, месцы жыхарства або ўзросце.

Прэс-карта не патрабуецца.

Можна падавацца індывідуальна або ў пары. У выпадку сумеснай заяўкі абодва аўтары павінны адпавядаць крытэрыям праграмы.

Не могуць падавацца:

• Юрыдычныя асобы, агенцыі, прадакшн-кампаніі, асацыяцыі і калектывы;
• Пастаянныя супрацоўнікі(-цы) рэдакцый, калі праект робіцца ў межах іх асноўнай працы;
• Пераможцы папярэдняга цыклу Kometa Fellows;
• Праекты, якія ўжо завершаныя або амаль завершаныя;
• Праекты з ужо падпісаным выдавецкім або прадакшн-кантрактам;
• Праекты, вытворчыя выдаткі якіх ужо цалкам пакрытыя іншым фінансаваннем;
• Праекты, дзе асноўны тэкст або выявы створаныя ШІ.

Пра праграму

Kometa Fellows — праграма падтрымкі аўтараў(-ак), якія дакументуюць сучасную рэальнасць у кантэкстах вайны, цэнзуры або моцных палітычных і сацыяльных напружанняў.

Праграма фінансуе не гатовую працу, а палявы і вытворчы этап арыгінальнага журналісцкага, фатаграфічнага або літаратурнага праекта.

Тэмы першага конкурсу 2026 года:

• Дэзынфармацыя і войны наратываў;
• Палітычныя і сацыяльныя трансфармацыі ў краінах Заліва.

Фармат можа быць вольным: рэпартаж, расследаванне, фатаграфічны праект, карэспандэнцыя, наратыўнае эсэ, гібрыдны праект або іншая форма дакументальнага выказвання.

Праект павінен быць звязаны з сучаснымі падзеямі і працэсамі, а не з гістарычнымі падзеямі далёкага мінулага.

Прапануецца:

• Фінансаванне 10 000 еўра на праект;
• Гадавы тэрмін для рэалізацыі;
• Супраца з рэдакцыяй Kometa;
• Публікацыя праекта ў Kometa — цалкам або часткова.

Дапускаецца дапаможнае выкарыстанне ШІ — напрыклад, для перакладу, пошуку літаратуры, брэйнштормінгу, карэктуры або фарматавання падрыхтоўчых матэрыялаў. Гэта трэба пазначыць у заяўцы.

Забаронена выкарыстоўваць ШІ для стварэння фінальных тэкстаў або выяў, якія падаюцца як вынік праекта.