Для каго: беларускія даследчыкі(-цы) незалежна ад краіны пражывання і грамадзянства.

Конкурс адкрыты для аўтараў(-ак), якія працуюць у сферы сацыяльных і гуманітарных навук і маюць завершаны арыгінальны рукапіс манаграфіі на беларускай або англійскай мове.

Асабліва заахвочваюцца да ўдзелу маладыя навукоўцы, якія хацелі б апублікаваць першую кнігу або доктарскую дысертацыю. Праца павінна быць арыгінальнай і не апублікаванай раней.

Арганізатары пакрыюць выдаткі на:

• Рэдагаванне;
• Карэктуру;
• Вёрстку;
• Друк абраных манаграфій.

Выданне будзе ажыццяўляцца выдавецтвам Skaryna Press.

Умовы:

• Аўтар(-ка) не атрымлівае ганарару і не нясе фінансавых абавязкаў;
• Пасля перадачы цалкам завершанага рукапісу выдавецтву аўтар(-ка) не ўдзельнічае ў выдавецкім працэсе, які бярэ на сябе выдавецтва.