Запрашаюцца куратары(-кі) на пачатку кар’еры з 1–5 гадамі адпаведнага досведу, якія маюць грамадзянства Вялікабрытаніі, пражываюць у Вялікабрытаніі або могуць пацвердзіць іншую трывалую сувязь з ёй. Прыярытэт атрымаюць тыя, хто яшчэ не працаваў(-ла) на поўную стаўку ў буйных інстытуцыях або музеях, але мае досвед самастойнай арганізацыі невялікіх праектаў, прастораў або ініцыятыў.

Патрабаванні:
– 1–5 гадоў куратарскага досведу;
– Вышэйшая адукацыя ў куратарстве, гісторыі мастацтва, візуальнай культуры або сумежнай сферы;
– Грамадзянства, пражыванне або іншая пацверджаная сувязь з Вялікабрытаніяй;
– Гатоўнасць пераехаць у Вільнюс.

У абавязкі ўваходзіць:

– Куратарства адной выставы ў Northern Gallery разам з публічнай праграмай;
– Удзел у падрыхтоўцы асноўных выстаў і звязаных з імі падзей;
– Падтрымка распрацоўкі і каардынацыі штогадовага сімпозіума;
– Камунікацыя з мастакамі(-чкамі) і партнёрамі;
– Падрыхтоўка дамоўленасцяў і каардынацыя куратарскай часткі праграмы.

Прапануецца:

– Поўная занятасць на 12 месяцаў з магчымым падаўжэннем яшчэ на 6 месяцаў;
– Заробак 2175 еўра брута ў месяц;
– Медыцынская страхоўка;
– Аплата першых квіткоў да Вільнюса;
– Новы працоўны камп’ютар;
– Дапамога з пошукам жылля і адаптацыяй;
– Падтрымка ў атрыманні літоўскага дазволу на працу і пражыванне;
– Ментарства ад куратараў(-ак) і дырэкцыі Sapieha Palace.

Тэрміны: пачатак працы — восень 2026 года.

Дэдлайн: 13 ліпеня 2026 года, 12:00 па часе Вялікабрытаніі.

Сумоўі: пачатак жніўня 2026 года.

Вынікі: сярэдзіна жніўня 2026 года.

Для падачы патрэбны адзін PDF-файл на англійскай мове з:

– CV;
– Матывацыйным лістом да 1 старонкі A4;
– Прапановай выставы для Northern Gallery да 1 старонкі A4.