📜 Мужчынская спеўная традыцыя — адна з найцікавейшых з'яў беларускай культуры. Гістарычна склалася, што мы ведаем пра яе вельмі мала. Калі жаночыя песні пераважна каляндарна-абрадавыя і сямейныя, то ў мужчын быў свой адмысловы рэпертуар: маладзецкія, касарскія, бяседныя, лірычныя, вайсковыя, сацыяльныя, жартоўныя песні.

Курс падыдзе тым, хто:

• Хоча спяваць беларускія мужчынскія песні;
• Шукае сілу і ўнутраную апору ў натуральным гучанні;
• Цікавіцца традыцыйнай культурай і супольным спевам;
• Хоча лепш адчуць свой голас, дыханне і рэзананс.

На занятках удзельнікі будуць:

• Спяваць традыцыйныя мужчынскія песні;
• Працаваць з апорай голасу, дыханнем, рэзанансам і натуральным гучаннем;
• Раскрываць голас без напружання, крыку і спеву «з горла»;
• Спяваць разам — у коле і ў руху;
• Вучыцца чуць сябе і слухаць іншых;
• Праз голас умацоўваць унутраную энергію і жыццёвы тонус;
• Знаёміцца са спецыфікай мужчынскай манеры спеву.

Выкладчык: Сяржук Доўгушаў — прафесійны выкладчык з больш як 20-гадовым досведам працы з голасам, гукам і дыханнем. Ён аўтар курса «Прыродны голас», заснавальнік студыі Free Voice у Мінску, удзельнік шматлікіх музычных праектаў, стваральнік ініцыятывы «Спеўны сход», курса «Мужчынскія спевы» і гурта Kasary.

Сяржук праводзіць трэнінгі ў Беларусі, Еўропе і ЗША. У сваёй працы спалучае традыцыйны спеў, імправізацыю, вакалатэрапію і свабоднае натуральнае гучанне.

Кошт:

• Разавы занятак — 120 PLN;
• Абанемент на 8 заняткаў — 890 PLN.

Абанемент дае прыярытэт пры рэгістрацыі і гарантуе месца.