Le Garage Moderne / OASIS — пяць двухтыднёвых рэзідэнцый у Бардо з ганарарам 1 300 EUR
Le Garage Moderne — культурны цэнтр у раёне Bacalan у Бардо. Гэта некамерцыйны аўтамабільны гараж і веламайстэрня, сталоўка як раённы рэстаран з абедамі для людзей у патрэбе. Пасля двух з паловай гадоў рамонту Le Garage Moderne вярнуўся ў свой будынак XIX стагоддзя, і цяпер арганізатары запрашаюць мастакоў(-чак) даследаваць яго фізічныя і сацыяльныя магчымасці.
Для каго: міжнародныя мастакі(-чкі) любых дысцыплін.
Арганізатары запрашаюць заяўкі ў сферах:
- Дызайн;
- Візуальнае мастацтва;
- Сцэнічныя мастацтвы;
- Кіно;
- Малафарматная архітэктура;
- Emergency architecture;
- Рамесныя практыкі;
- Вулічная мэбля;
- Гук;
- Міждысцыплінарныя і супольнасныя практыкі.
Шукаюць прапановы, звязаныя з месцам: праекты, якія працуюць з вертыкальнасцю, маштабам прасторы, супольнасцю і «вулейнай» атмасферай Le Garage Moderne.
Што прапануецца:
- Ганарар 1 300 EUR брута;
- Да 600 EUR на вытворчыя выдаткі;
- Транспартны грант — фіксаваная сума, што залежыць ад адлегласці, з надбаўкай за экалагічныя спосабы падарожжа;
- Суткавыя 45 EUR у дзень;
- Пражыванне ў гатэлі з магчымасцю самастойна гатаваць;
- Доступ да інструментаў і прастораў Le Garage Moderne паводле правілаў асацыяцыі.
Побыт доўжыцца два тыдні; пры падачы можна выбраць адзін або некалькі слотаў:
- 9–22 лістапада;
- 16–29 лістапада;
- 23 лістапада — 6 снежня;
- 30 лістапада — 13 снежня;
- 7–20 снежня.
Чаканыя вынікі:
Рэзідэнцыя ўключае 2 дні майстар-класаў для ўдзельнікаў(-ц), супольнасці і каманды Le Garage Moderne. Мастакі(-чкі) павінны будуць падзяліцца сваёй практыкай, тэхнікай і кантэкстам працы з іншымі рэзідэнтамі(-камі) OASIS, лакальнай мастацкай супольнасцю, удзельнікамі(-цамі) і камандай пляцоўкі.
Вынік рэзідэнцыі павінен быць публічна прадстаўлены ў той ці іншай форме. Гэта не абавязкова мусіць быць вялікая падзея, але публіка павінна мець магчымасць пазнаёміцца з працай.
Творы і іншыя вынікі рэзідэнцыі застаюцца ўласнасцю мастака(-чкі). Дакументацыю рэзідэнцыі робіць Le Garage Moderne, і яна можа публічна выкарыстоўвацца арганізатарамі на працягу 3 гадоў пасля рэзідэнцыі.