Learning Materials — рэзідэнцыя ў Хельсінкі для практык, звязаных з матэрыяламі
Learning Materials — шматгадовы партнёрскі праект Bioart Society, HIAP, Koynẽ Program і TUO TUO разам з FIBRA, LABVA, Scottish Sculpture Workshop і SWAMP. Праект даследуе, як мастакі(-чкі), культурныя арганізацыі і супольнасці могуць вучыцца ў матэрыялаў і разам з імі — справядліва, устойліва і з улікам розных сістэм ведаў. Праект падтрымлівае Kone Foundation.
Для каго:
Мастакі(-чкі) і творцы любой дысцыпліны, якія жывуць і працуюць па-за Фінляндыяй. Трэба паказаць досвед працы з матэрыяламі і сацыяльна заангажаванымі практыкамі, а таксама доўгатэрміновую цікавасць да тэм Learning Materials.
Фармат:
90 дзён на выбар:
- Вясна: 12 красавіка – 11 ліпеня 2027 года;
- Восень: 16 жніўня – 14 лістапада 2027 года.
Месца — HIAP Suomenlinna на востраве-крэпасці Суоменліна (аб'ект Сусветнай спадчыны UNESCO), за 15 хвілін на пароме ад цэнтра Хельсінкі. Рэзідэнцыя без абавязковага выніку: акцэнт на даследаванні і эксперыменце.
Што прапануецца:
- Працоўны грант 1 350 EUR у месяц (4 050 EUR агулам) ад Kone Foundation;
- Дарога туды і назад (адна паездка) — заахвочваюць павольнае падарожжа, з арганізацыяй дарогі дапамагаюць;
- Бюджэт на матэрыялы — да 750 EUR;
- Бюджэт даступнасці — да 1 000 EUR для мастакоў(-чак) з інваліднасцю, у тым ліку нейраразнастайных людзей, людзей з хранічнымі захворваннямі, глухіх і слабачуючых;
- Мэбляваная кватэра каля 30 м² (да 2 дарослых і 1 дзіцяці) і асобная працоўная прастора ў галоўным будынку HIAP з доступам да сталярнай майстэрні;
- Бюджэт на візавыя выдаткі — зборы і паездкі ў консульства (сума не пазначаная).
Візу HIAP не гарантуе. Пра падаткі і страхаванне з гранту Kone Foundation — на старонцы фонду.
Што чакаецца ад удзельнікаў(-ц):
- Праца побач з Learning Materials Fellows;
- Выкананне Safer Spaces Policy і Code of Conduct HIAP.
Агульныя сустрэчы, выхады на падзеі ў горадзе і Open Studios у канцы сезона — па жаданні.
Для заяўкі патрэбныя:
Адказы можна даць тэкстам, аўдыя або відэа, па-англійску:
- Біяграфія і прафесійны досвед — да 250 слоў або 2 хвілін;
- Матывацыя, у тым ліку як ваша праца адгукаецца на тэмы Learning Materials, — да 250 слоў або 2 хвілін;
- План працы — да 250 слоў або 2 хвілін;
- Партфоліа — да 10 старонак або 5 хвілін, спасылкай без пароля і абмежаванняў доступу.
Аўдыя і відэа — адзін бесперапынны запіс (MP4/MOV або MP3/WAV), у пачатку трэба назваць сябе і праект. Патрэбы ў даступнасці можна апісаць у форме або дадаць Access Rider — журы яго не ўбачыць.
Адбор:
Журы з прадстаўнікоў(-ц) партнёраў ацэньвае матывацыю, сувязь з мясцовай мастацкай сцэнай, адпаведнасць тэме і разнастайнасць. Журы збярэцца 12 лістапада 2026 года, анлайн-інтэрв'ю з кароткім спісам — 9 снежня 2026 года.
Дэдлайн: 26 кастрычніка 2026 года, 15:00 па часе Хельсінкі (14:00 CET).
Кантакт: office@hiap.fi
Арганізатары:
HIAP Helsinki International Artist Programme і партнёры праекта Learning Materials пры падтрымцы Kone Foundation.