Для каго:
Для ўсіх, хто хоча далучыцца да публічнага мастацкага выказвання ў падтрымку беларускіх палітвязняў.

Музычны досвед не патрэбны: перформанс будуецца на простых гуках, слуханні, групавых сігналах і супольнай прысутнасці.

Пра перформанс:
Make Noise at NDSM — гэта маштабны ўдзельніцкі перформанс, які адбудзецца на East NDSM Wharf у Амстэрдаме.

1200 удзельнікаў(-ц) стануць на часовай платформе і цягам 20–30 хвілін будуць імправізаваць з самаробнымі інструментамі. Разам яны створаць шчыльны, шматслойны перкусійны гукавы ландшафт.

Падчас перформансу кожны(-ая) ўдзельнік(-ца) будзе ў кардоннай масцы з тварам рэальнага беларускага палітвязня. Так арганізатары хочуць зрабіць бачнымі людзей, чые галасы былі заглушаныя рэпрэсіямі.

Чаму варта ўдзельнічаць:

• Каб стаць часткай моцнага калектыўнага мастацкага дзеяння;
• Каб выказаць салідарнасць з беларускімі палітвязнямі;
• Каб ператварыць абстрактныя лічбы ў бачную прысутнасць і памяць;
• Каб далучыцца да публічнага сігналу супраць аўтарытарызму;
• Каб пагаварыць з маладымі людзьмі пра свабоду, правы чалавека і грамадзянскую адказнасць напярэдадні Міжнароднага дня міру 21 верасня.

Што трэба ўзяць з сабой:
Любы прадмет, якім можна ствараць рытм:

• Бляшанку;
• Рондаль;
• Накрыўку;
• Вядро;
• Барабан;
• Бонгі;
• Дзіцячы ксілафон;
• Або нешта іншае, што гучыць.

Калі ёсць некалькі прадметаў або інструментаў, можна ўзяць дадатковыя, каб падзяліцца з іншымі.

Важна:

• Музычны досвед не патрэбны;
• Удзельнікі(-цы) атрымаюць інструкцыі перад перформансам;
• На месцы ўсіх сустрэнуць, размеркуюць па сектарах і будуць весці праз простыя візуальныя сігналы;
• Перформанс можа быць гучным і фізічным;
• Берушы будуць на месцы, але можна ўзяць свае;
• Перформанс будуць прафесійна здымаць і запісваць як частку мастацкай працы і дакументацыі. Удзел азначае згоду на здымку і запіс.

Даступнасць:
Перформанс пройдзе на часовай трыбуне, куды можна трапіць толькі па прыступках. Першы шэраг будзе зарэзерваваны для людзей з патрэбамі мабільнасці або іншымі патрэбамі доступу.

На пляцоўцы ёсць даступныя прыбіральні. Важна ўлічыць, што NDSM знаходзіцца на тэрыторыі былой верфі, таму паверхня можа быць няроўнай.

Калі вам патрэбная падтрымка для ўдзелу, варта загадзя звязацца з арганізатарамі.

Калі і дзе:
19 верасня 2026 года
East NDSM Wharf, Амстэрдам, Нідэрланды

Падача:
Праз старонку праекта / форму ўдзелу на сайце арганізатараў.

Партнёры і падтрымка:
antiwarcoalition.art, NDSM-werf, Libereco, MARA: Vereniging Belarusen in Nederland, Politzek.me, Viasna.

Праект падтрыманы ArtPower Belarus, Danish Cultural Institute, Belarusian Council for Culture, het Cultuurfonds, Vfonds, De Balie, PEN Nederland, JUST, Pavetra e.V. і іншымі партнёрамі.

https://makenoise.art/