Martin Parr Foundation Awards 2026 — конкурс вулічнай фатаграфіі на тэму Street Fashion
Martin Parr Foundation — дабрачынная арганізацыя, заснаваная вядомым брытанскім дакументальным фатографам Martin Parr. У будынку фонду ў Брыстале працуюць бясплатная галерэя, студыя, бібліятэка больш чым на 6 000 фотакніг, фотаархіў і кнігарня. Унёскі сяброў(-вак) фонду ідуць на падтрымку маладых фатографаў(-ак) і на захаванне спадчыны брытанскай і ірландскай фатаграфіі.
Для каго: фатографы(-кі) з любых краін.
Тэма і патрабаванні да здымкаў:
- Тэма 2026 года — Street Fashion, трактаваць яе можна як заўгодна;
- Здымкі мусяць быць зробленыя на вуліцы або ў публічнай прасторы;
- Кадры з камерцыйных фэшн-праектаў не прымаюцца;
- Працы мусяць быць зробленыя гэтым летам;
- Да трох здымкаў у адной заяўцы.
Колькі каштуе падача:
Унёсак — 10 GBP ≈ 11,60 EUR за да трох здымкаў. Ва ўнёсак уваходзіць гадавое лічбавае сяброўства ў Martin Parr Foundation. Поўныя сябры(-кі) фонду падаюцца бясплатна па кодзе.
Што прапануецца:
- Галоўны прыз — арыгінальны адбітак 20×24 з серыі Марціна Пара The Last Resort з пячаткай архіва (estate-stamped);
- Уключэнне здымка ў архіў Martin Parr Foundation;
- Паказ у вітрыне галерэі фонду;
- Публікацыі на сайце і ў сацсетках фонду;
- Астатнія адзначаныя аўтары(-кі) атрымліваюць мерч і наборы фотакніг.
Хто адбірае:
Niall McDiarmid разам з камандай Martin Parr Foundation.