Для каго:

Куратары(-кі), мастакі(-чкі) і іншыя культурныя дзеячы(-чкі), якія працуюць з куратарскімі практыкамі. Падавацца можна індывідуальна, удвух або калектывам.

Канцэпцыя мусіць аб'ядноўваць некалькі мастацкіх пазіцый. Праекты, сканцэнтраваныя пераважна на ўласнай творчасці заяўнікаў(-ц), арганізатары не шукаюць.

Пра open call:

Галоўнае пытанне набору — «Пра што мы яшчэ не падумалі?». Цяперашняя праграма Memphis звяртаецца, сярод іншага, да лічбавых інфраструктур, памяці і забыцця, аднаўлення і супраціву, супольнасці і выгнання, іншых спосабаў ведаць, ствараць і дзяліцца. Гэтыя тэмы — кантэкст, а не абавязковая ўмова: чакаюць канцэпцый пра сацыяльныя, палітычныя, экалагічныя, эканамічныя або тэхналагічныя змены і канфлікты сучаснасці, а таксама пра пытанні, якія яшчэ не прагучалі.

Фармат выставы свабодны — прасторавы, перфарматыўны, дыскурсіўны, партысіпатыўны або іншы. Эксперыментальныя і трансдысцыплінарныя падыходы асабліва вітаюцца.

Фармат:

• Групавая выстава ў Kunstraum Memphis (Лінц, Аўстрыя);
• Перыяд выставы — з сярэдзіны студзеня да канца лютага 2027 года (4–5 тыдняў);
• У праект можна ўключыць лайтбокс памерам 1 × 6 м на фасадзе будынка — дагэтуль яго выкарыстоўвалі пераважна для тэкставых прац;
• План памяшкання і фота прасторы — у PDF.

Што прапануецца:

Бюджэт да 7500 EUR на распрацоўку і рэалізацыю выставы — канчатковая сума залежыць ад рэальных патрэб абранага праекта. З гэтага бюджэту пакрываюцца:

• Куратарскі ганарар;
• Ганарары мастакоў(-чак);
• Дарога і транспарт;
• Вытворчасць і матэрыялы;
• Тэхнічныя выдаткі, звязаныя з праектам.

Ганарары разлічваюцца паводле рэкамендацый Fair Pay ад Kulturrat Österreich у межах даступных сродкаў.

Акрамя бюджэту, Memphis забяспечвае:

• Выставачную прастору і наяўную інфраструктуру;
• Арганізацыйную і тэхнічную падтрымку;
• Дызайн і вытворчасць стандартных друкаваных і камунікацыйных матэрыялаў;
• Працу з прэсай і PR праз сайт, рассылку, сацсеткі і кантакты Memphis;
• Арганізацыю адкрыцця і падзей;
• Дакументацыю для сайта і сацсетак;
• Па жаданні — працоўны побыт у Лінцы да 10 дзён з бясплатным пражываннем.

Што чакаецца ад удзельнікаў(-ц):

• Дапрацаваць і рэалізаваць канцэпцыю разам з камандай Memphis;
• Улічыць у папярэднім бюджэце ўсе выдаткі на вытворчасць і камунікацыю, асабліва на дадатковую дакументацыю, публікацыі або прасоўванне.

Для заяўкі патрэбныя:

• Назва і кароткае апісанне праекта — да 750 знакаў з прабеламі;
• Куратарская канцэпцыя — да 2 старонак, PDF, да 10 MB;
• Мастакі(-чкі) і працы або ўклады, калі ўжо вядомыя (не абавязкова);
• Рэпрэзентатыўная выява — JPG або PNG, да 5 MB;
• Кароткая біяграфія і CV — CV да 2 старонак, PDF, да 5 MB;
• Да трох прыкладаў папярэдняй куратарскай, мастацкай або падобнай працы, па магчымасці са спасылкамі;
• Па жаданні — спасылкі на сайт, партфоліа і іншыя рэсурсы;
• Адзнака, ці патрэбны працоўны побыт у Лінцы;
• Ацэнка агульнага кошту і папярэдні бюджэт — PDF, да 10 MB;
• Па жаданні — дадатковыя матэрыялы з інфармацыяй або выявамі — PDF, да 10 MB.

Вынікі адбору абвесцяць да 15 лістапада 2026 года. Праекты ацэньваюць каманда Memphis і знешні(-яя) эксперт(-ка) паводле куратарскай якасці і цэласнасці канцэпцыі, а таксама яе рэалістычнасці ў межах прасторы, тэрмінаў і бюджэту.

Падрабязныя ўмовы — у PDF на нямецкай мове.

Кантакт: office@memphismemph.is

Арганізатар: Kunstraum Memphis, Лінц (Аўстрыя).