Для каго:

Даследчыкі(-цы), куратары(-кі) і мастакі(-чкі) з любой краіны. Ёсць два трэкі:

• Senior Research Fellowship — прафесары(-кі), вядомыя незалежныя даследчыкі(-цы), куратары(-кі), постдокі і аспіранты(-кі) на апошніх этапах PhD;
• Exploratory Research Fellowship — студэнты(-кі) магістратуры, аспіранты(-кі) на пачатку PhD, даследчыкі(-цы), мастакі(-чкі) і куратары(-кі) на раннім этапе кар'еры.

Тэма:

Стыпендыя падтрымлівае новыя даследаванні на аснове архіваў пра Ming Fay (1943–2025) — скульптара з Шанхая, які вырас у Ганконгу і з 1970-х працаваў у Нью-Ёрку. Ён працаваў са скульптурай, графікай, інсталяцыяй і экалогіяй, а таксама быў сузаснавальнікам азіяцка-амерыканскага мастацкага калектыву Epoxy Art Group (1982–1992). Магчымыя напрамкі: экалогія, міграцыя і транснацыянальная ідэнтычнасць, гісторыя азіяцкай дыяспары, эксперыменты з матэрыяламі, мастацтва і навука, прырода як міфалогія, мастацкія супольнасці Downtown New York, публічнае мастацтва. Спіс адкрыты.

Фармат:

Даследаванне ў архівах Нью-Ёрка з 4 студзеня па 10 снежня 2027 года: Ming Fay Papers у NYU Special Collections, матэрыялы Asia Art Archive і майстэрня Ming Fay Studio / Estate.

Што прапануецца:

• Senior Research Fellowship — грант да 7 500 USD (≈ 6 700 EUR);
• Exploratory Research Fellowship — грант да 2 500 USD (≈ 2 200 EUR);
• Доступ да архіваў NYU Special Collections і кансультацыі архівістаў(-ак);
• Лічбавы доступ да матэрыялаў Asia Art Archive і чытальная зала Asia Art Archive in America;
• Доступ да майстэрні Ming Fay Studio / Estate, калі гэта дарэчы;
• Магчымасць атрымаць статус Visiting Scholar або Research Affiliate у NYU (па працэдурах універсітэта).

Грант пакрывае выдаткі з моманту паведамлення пра перамогу да 10 снежня 2027 года: дарогу ў Нью-Ёрк і назад, часовае жыллё і мясцовы транспарт, пераклад, матэрыялы і тэхнічную падтрымку, падрыхтоўку да публікацыі (правы, выявы). Канчатковую суму вызначае камісія. NYU выплачвае грант адным плацяжом у лютым 2027 года.

Што чакаецца ад удзельнікаў(-ц):

• Senior — праца, гатовая да публікацыі або выставы: артыкул для рэцэнзаванага часопіса (каля 6 000–10 000 слоў), раздзел кнігі або дысертацыі, крытычнае эсэ або грунтоўнае даследаванне для выставы;
• Exploratory — даследчы праект: артыкул, справаздача, раздзел дысертацыі, дакументальны фільм, эсэ, прапанова выставы і інш.;
• Для абодвух трэкаў — справаздача на 2–3 старонкі. Праект і справаздачу трэба даслаць да 31 студзеня 2028 года.

Для заяўкі патрэбныя:

• Апісанне праекта — 1 000 слоў;
• CV;
• Бюджэт з абгрунтаваннем;
• Узор тэксту на 10–20 старонак, апублікаваны артыкул або партфоліа мастака(-чкі);
• Для студэнтаў(-ак) і аспірантаў(-ак) — рэкамендацыйны ліст ад навуковага кіраўніка(-цы), які той(тая) дасылае сам(-а) на apa.institute@nyu.edu да дэдлайну.

Адбор:

Крытэрыі: навуковая строгасць і арыгінальнасць, план працы з архівамі, выканальнасць у тэрмін, уклад у гісторыю мастацтва, транснацыянальныя даследаванні або вывучэнне азіяцкай дыяспары.

Таймлайн:

• Вынікі — 15 снежня 2026 года;
• Перыяд даследавання — 4 студзеня – 10 снежня 2027 года.

Арганізатар:

Asian/Pacific/American Institute пры New York University разам з NYU Special Collections, Asia Art Archive і Ming Fay Studio / Estate. Праграму фінансуюць Ming Fay Estate і галерэя kurimanzutto.

Важна:

• Падавацца можна з-за межаў ЗША, але ўніверсітэт не дапамагае з жыллём і візамі;
• Гэта першы выпуск стыпендыі;
• Крыніцы разыходзяцца ў датах: на сайце Ming Fay Estate пазначаны перыяд даследавання з 1 лютага 2027 года і сума «да 5 000 USD». Тут — умовы з афіцыйнай старонкі NYU.