Для каго:

• Куратары(-кі), якія жывуць па-за Японіяй;
• Ад пяці гадоў куратарскага досведу ў сучасным мастацтве;
• Свабодна валодаюць англійскай або японскай мовай;
• Могуць самастойна жыць і працаваць у іншай краіне.

Фармат:

Ад 1 да 3 месяцаў (максімум 90 дзён) паміж красавіком 2027 і сакавіком 2028 года. Карацей за месяц — нельга. У заяўцы можна пазначыць да двух пажаданых перыядаў, дакладныя даты ўзгадняюць пасля адбору.

Што прапануецца:

• Пражыванне ў сэрвісных апартаментах MORI LIVING у Токіа: асобны пакой з кухняй, сняданак, Wi-Fi;
• Авіяквіток эканом-класа туды і назад да аэрапорта Нарыта або Ханэда;
• Даследчыя выдаткі — да 200 000 JPY з падаткамі: транспарт і пражыванне ў паездках па Японіі і іншыя выдаткі на праект.

Што чакаецца ад удзельнікаў(-ц):

• Да канца рэзідэнцыі прэзентаваць вынікі даследавання — фармат узгадняюць з фондам;
• Здаць пісьмовую выніковую справаздачу і справаздачу па выдатках;
• Увесь час жыць у прадастаўленым жытле;
• Удзельнічаць у публічных частках праграмы;
• Не займацца камерцыйнай дзейнасцю падчас рэзідэнцыі;
• Самастойна аформіць медыцынскую і падарожную страхоўку на ўвесь тэрмін.

Для заяўкі патрэбныя:

Тры PDF-файлы па-англійску:

• Форма заяўкі з тэмай і планам даследавання (да 500 слоў) і спасылкамі на мінулыя праекты — Yourname_form.pdf;
• CV — Yourname_cv.pdf;
• Рэкамендацыйны ліст з подпісам, фармат A4 — Yourname_letter.pdf.

Імя ў назвах файлаў — лацінкай, спачатку прозвішча, без прабелаў.

Адбор:

У лістападзе 2026 года заяўкі разгледзіць міжнароднае журы (старшыня — Kataoka Mami), у снежні паведамяць вынікі. Некаторых кандыдатаў(-так) могуць запрасіць на анлайн-інтэрв'ю.

Дэдлайн: 31 кастрычніка 2026 года, 18:00 JST (10:00 CET).

Як падавацца: даслаць усе тры файлы адным лістом на residence@moricaf.jp з тэмай «Curator Residency Program 2027 Application / Yourname».

Перад падачай: форма заяўкі, умовы і інструкцыя па падачы.

Кантакт: residence@moricaf.jp

Арганізатар: Mori Contemporary Art Foundation (MoriCAF), Токіа.