MURMURS 2027 — музычны шоўкейс у Вільнюсе перад міжнароднымі прамоўтарамі і агентамі
MURMURS — шоўкейс-фестываль у Вільнюсе, які працягвае справу фестывалю What's Next in Music?. Выданне 2027 года пройдзе 25–26 лютага 2027 года на пляцоўцы Kablys (Kauno g. 5, Naujamiestis) — былы Палац культуры чыгуначнікаў. Паралельна з канцэртамі ідзе канферэнцыя пра незалежны музычны сектар: панэлі, кіноуты і нетворкінг. У 2026 годзе ў шоўкейсе ўдзельнічалі 20 артыстаў(-ак), а ў канферэнцыі — каля 44 спікераў(-ак) з Літвы, Латвіі, Эстоніі, Польшчы, Вялікабрытаніі, Германіі, Нідэрландаў, Фінляндыі, ЗША і Мексікі.
Для каго: музыкі і гурты, гатовыя выходзіць са сваёй музыкай за межы сваёй краіны.
- Жанравых абмежаванняў не пазначана: у лайнапе 2026 года былі пост-панк, метал, джаз, фолктроніка, эмбіент, дыска і аўтарская песня.
Публіка, перад якой вы граеце, — гэта арганізатары(-кі) фестываляў, прамоўтары, агенты(-кі), менеджары(-кі), лэйблы і журналісты(-кі) з Еўропы і не толькі.
Што прапануецца:
- Выступ у шоўкейсе перад міжнароднай прафесійнай публікай;
- Замежным артыстам(-кам): двухмесны пакой і харчаванне у дзень выступу, плюс мясцовы транспарт;
- Базавы звук, святло і backline паводле вашага тэхнічнага райдэра, з прафесійнай прадакшн-падтрымкай;
- Доступ да канферэнцыі і нетворкінгу.
Важна:
- Фестываль не плаціць артысцкага ганарару — так напісана ў самой форме заяўкі;
- Дарогу фестываль не пакрывае;
- Спецыфічныя запыты па backline забяспечваюць толькі за кошт артыста(-кі).
Што чакаецца ад удзельнікаў(-ц):
- Працаваць разам з промакамандай фестывалю, каб прасоўваць свой удзел;
- Згадзіцца, што выступ могуць фатаграфаваць, запісваць і трансляваць — фестываль і яго медыяпартнёры для прамоцыі.
Для заяўкі патрэбныя:
- Назва артыста(-кі) або гурта, жанры, краіна;
- Колькасць людзей на сцэне, імёны і інструменты, а таксама хто яшчэ едзе з вамі;
- Спасылкі на Facebook, Instagram і сайт;
- Спасылка на жывое відэа (YouTube, Vimeo або іншае);
- Спасылкі на стрымінг: Spotify, Bandcamp, Apple, Tidal і іншыя;
- Кароткая біяграфія або спасылка на EPK (электронны прэс-кіт);
- Фота гурта;
- Тэхнічны райдэр;
- Кантактная асоба: імя, email, тэлефон, кампанія, калі ёсць;
- Нядаўнія згадкі ў прэсе і на радыё са спасылкамі;
- Матывацыя граць на MURMURS;
- Экспартныя планы на год: рэлізы, туры, кампаніі.
Дэдлайн: 6 кастрычніка 2026.
Вынікі: з адабранымі звяжуцца ў другой палове кастрычніка 2026 года. Склад шоўкейсу абвесцяць у снежні 2026 — студзені 2027 года.
Кантакт: Vilma Dzienaitė, праграмная менеджарка — vilma@musicassociation.lt
Арганізатар:
Lietuvos muzikos verslo asociacija (Lithuanian Music Business Association), Вільнюс, Літва.