NTS Supporter Radio — гадзінны мікс на тэму «Sad» і шанец трапіць у эфір лонданскага радыё
NTS — незалежнае інтэрнэт-радыё з Лондана. У праграме Supporter Radio яно некалькі разоў на год збірае міксы ад сваіх падпісчыкаў(-чыц) на зададзеную тэму і выбраныя запісы ставіць у эфір. Тэма гэтага сезона — Sad, смутак ва ўсіх праявах: ад музыкі, што ратуе ад восеньскай хандры, да гадзіннага падарожжа ў самую цемру. Падыходзіць любы жанр — ад сумнага рэпу і оперы да слоўкору, фаду, дрылу ці дарк-эмбіенту.
Для каго:
Дыджэі(-джэйкі), меламаны(-нкі) і ўсе, хто ўмее складаць гадзінны мікс, — але толькі тыя, хто аформіў падпіску NTS Supporter. Без падпіскі падацца нельга.
Што прапануецца:
- Эфір: выбраныя міксы пакажуць наўпрост і заархівуюць на NTS у снежні 2026 і студзені 2027 года;
- Аўтар(-ка) самага арыгінальнага мікса атрымае запрашэнне правесці асобнае guest шоу на NTS.
Для заяўкі патрэбныя:
- Падпіска NTS Supporter;
- Мікс на тэму «Sad» — да 60 хвілін.
Арганізатар: NTS Radio (Лондан).