Перайсці да асноўнага зместу

ortung 15 — мастацкая біенале ў Schwabach

11 студзеня 2027
7 — 22 жніўня 2027
Schwabach, Германія
Бясплатна
1 000 EUR

Горад Schwabach (Германія) шукае творцаў для біенале ortung 15: у жніўні 2027 года 20 удзельнікаў(-ц) ператвораць прасторы ў цэнтры горада ў выставачныя пляцоўкі на тэму «Inspired by gold».

Для каго:

Творцы, якія працуюць з жывапісам, скульптурай, графікай, тэкстылем, інсталяцыяй (у тым ліку відэа- і архітэктурнай) і камп'ютарным мастацтвам.

ortung — мастацкая біенале, якую горад Schwabach у Баварыі праводзіць з 1999 года. Раз на два гады склепы, скляпенні, плошчы, скверы, цэрквы і іншыя прасторы цэнтра горада на два тыдні становяцца пляцоўкамі для сучаснага мастацтва.

Тэма 15-га выпуску — «Inspired by gold» («Im Zeichen des Goldes»). Яна адсылае да гісторыі Schwabach як цэнтра вытворчасці тонкага лістовага золата: у 2025 годзе гэтае рамяство ўнеслі ў нацыянальны спіс нематэрыяльнай культурнай спадчыны Германіі. На этапе заяўкі тлумачыць сувязь вашай працы з золатам не трэба.

Біенале пройдзе 7–22 жніўня 2027 года ў цэнтры Schwabach. Журы ў два этапы абярэ 20 удзельнікаў(-ц), кожны(-ая) з якіх аформіць сваю прастору як выставачную або перфарматыўную пляцоўку.

Прапануецца:

  • 1000 EUR на пакрыццё выдаткаў;
  • Дадатковая падтрымка на рэалізацыю працы і пражыванне на месцы магчымая, але не гарантаваная — яна залежыць ад рэсурсаў арганізатараў;
  • Дзве прэміі горада, якія прысуджае незалежнае журы: 6000 EUR за 1-е месца і 3000 EUR за 2-е;
  • Тры прэміі глядацкіх сімпатый: 3000 EUR, 2000 EUR і 1000 EUR — за іх галасуюць наведвальнікі(-цы) біенале;
  • Публікацыя ў каталогу ortung 15;
  • Магчымасць прадаць працы. Горад таксама можа набыць некаторыя з іх, калі дазволіць бюджэт (рашэнне — увосень 2027 года);
  • Лаўрэат(-ка) прэміі горада звычайна атрымлівае магчымасць зрабіць персанальную выставу ў гарадской галерэі Schwabach у наступным годзе.

Што чакаецца ад вас:

  • Абавязковы ўдзел у калёквіуме 6 сакавіка 2027 года, падчас якога можна будзе агледзець прасторы і размеркаваць іх для будучых прац;
  • Да 5 красавіка 2027 года падаць канцэпцыю, якая паказвае, як праца звязвае прастору, тэму біенале і вашы мастацкія задачы, — па ёй прымаюць канчатковае рашэнне аб удзеле;
  • Самастойна змантаваць працу да 12:00 1 жніўня 2027 года так, каб яе можна было сфатаграфаваць да адкрыцця;
  • Самастойна забраць працу да 24 жніўня 2027 года і вярнуць прастору ў ранейшы стан;
  • Выставіць працы на продаж; прададзеныя працы застаюцца ў экспазіцыі да закрыцця біенале.

Для заяўкі патрэбныя:

Адзін PDF-файл да 20 МБ з назвай Surname_Firstname_ortung15.pdf, у якім ёсць:

  • Кароткае CV з актуальнымі кантактамі;
  • Спіс да пяці галоўных праектаў або выставаў;
  • Чатыры фатаграфіі: тры — працы, якія паказваюць ваш мастацкі падыход, і адна — вы ў сваёй працоўнай прасторы.

Таймлайн:

  • Пачатак лютага 2027 года — вынікі першага этапу адбору;
  • 6 сакавіка 2027 года — калёквіум;
  • 5 красавіка 2027 года — падача канцэпцыі;
  • 1 жніўня 2027 года, 12:00 — працы змантаваныя;
  • 7 жніўня 2027 года, 11:00 — уручэнне прэміі горада і адкрыццё;
  • 22 жніўня 2027 года, 17:00 — фінісаж і ўручэнне прэмій глядацкіх сімпатый у Stadtmuseum;
  • 24 жніўня 2027 года — дэмантаж.

Поўныя ўмовы — у апісанні конкурсу на англійскай(знешні сайт) (PDF).

Кантакт: kulturamt@schwabach.de, +49 9122 860-305

Арганізатар:

Kulturamt der Stadt Schwabach — аддзел культуры горада Schwabach. Прэміі глядацкіх сімпатый фінансуюць кампанія ratioplast, Lions Club Schwabach і Anke Saß.