Для каго:

Беларускія мастакі(-чкі) ва ўзросце 18–35 гадоў, якія развіваюць уласную практыку ў сучасным мастацтве: перформанс, мультымедыйнае мастацтва, відэа, інсталяцыя, міждысцыплінарныя і эксперыментальныя формы.

Праграма падыходзіць, калі вы:

• Хочаце развіць уласны праект у межах праграмы;
• Гатовыя працаваць з ментар(к)амі і дзяліцца досведам з іншымі ўдзельнікамі(-цамі);
• Можаце рэгулярна далучацца да анлайн-сустрэч і прыехаць у Польшчу на рэзідэнцыю 11–18 красавіка 2027 года.

Завершаныя праекты не патрэбныя. Для фонду найперш важныя цікавая мастацкая практыка, адкрытасць да эксперыментаў, гатоўнасць інтэнсіўна працаваць і матывацыя развівацца.

Пра праграму:

Праграму вядуць мастакі(-чкі) і куратары(-кі) з шматгадовым досведам у перформансе, відэа, інсталяцыі, партысіпатыўным і міждысцыплінарным мастацтве. Іх працы паказвалі, сярод іншага, на Венецыянскай біенале, Manifesta, у MUMOK (Вена) і ZKM (Карлсруэ).

Фармат:

• 4 студзеня – 31 траўня 2027 года — адукацыйная праграма: 10 асноўных сесій, з іх 9 анлайн і 1 вочная падчас рэзідэнцыі;
• Анлайн-сесіі — 16 і 23 студзеня, 6, 20 і 27 лютага, 13, 20 і 27 сакавіка, 3 красавіка 2027 года (дакладны час узгадняць з удзельнікамі(-цамі) перад стартам);
• 1 лютага – 30 красавіка 2027 года — даследаванне і развіццё ўласнага перфарматыўнага або мультымедыйнага праекта;
• 11–18 красавіка 2027 года — рэзідэнцыя ў Mochnarte Foundation (Польшча): інтэнсіўныя варкшопы, індывідуальнае ментарства, групавыя кансультацыі і крытычныя абмеркаванні, сумесная праца і паказы work-in-progress, вочная сесія — 12 красавіка;
• 17 красавіка 2027 года — першая публічная прэзентацыя прац у Mochnarte Foundation;
• Травень 2027 года — кансультацыі, завяршэнне праектаў і другая публічная прэзентацыя ў Познані.

Прапануецца:

• Удзел ва ўсёй адукацыйнай праграме, варкшопах і сустрэчах;
• Індывідуальнае ментарства і кансультацыі падчас працы над праектам;
• Аплату дарогі на рэзідэнцыю ў Mochnarte Foundation і назад, а таксама на прэзентацыю ў Познані;
• Пражыванне і харчаванне падчас рэзідэнцыі і ў Познані;
• Пакрыццё выдаткаў на матэрыялы і вытворчасць прац, створаных у межах праграмы;
• Пакрыццё выдаткаў на выставу і публічныя прэзентацыі;
• Дакументацыю і прамоцыю праектаў, у тым ліку анлайн і праз партнёрскія сеткі;
• Сертыфікат аб заканчэнні праграмы.

Што чакаецца ад удзельнікаў(-ц):

• Рэгулярны ўдзел у анлайн-сесіях;
• Удзел у рэзідэнцыі ў Польшчы 11–18 красавіка 2027 года;
• Праца над уласным праектам ад канцэпцыі да гатовай працы;
• Публічная прэзентацыя праекта — 17 красавіка ў Mochnarte Foundation і ў траўні ў Познані.

Для падачы патрэбныя:

• Партфоліа — PDF, не больш за 15 старонак: раней створаныя працы ў любым медыя з кароткімі апісаннямі (для відэа, перформансаў, анлайн-праектаў і іншых прац, што разгортваюцца ў часе, можна дадаць актыўныя спасылкі на дакументацыю);
• Матывацыйны ліст — да 1200 знакаў: чаму вы хочаце ўдзельнічаць, чаго чакаеце ад праграмы і які аспект сваёй практыкі хацелі б развіць.

Адбор:

Адбор праходзіць у два этапы: спачатку камісія разгледзіць партфоліа і матывацыйныя лісты, потым абраных кандыдатаў(-так) запросяць на кароткае анлайн-інтэрв'ю. Крытэрыі — якасць і патэнцыял мастацкай практыкі, матывацыя і адпаведнасць інтарэсаў профілю праграмы. Колькасць месцаў — 5.

Як падавацца: даслаць партфоліа і матывацыйны ліст на performingthepresent@gmail.com.

Арганізатар: Фонд Mochnarte (Mochnarte Foundation), Польшча.