Для каго:
Дакументалісты(-кі), прадусары(-кі), narrative strategists і каманды дакументальных фільмаў, якія працуюць з тэмамі, блізкімі да іх уласнага досведу, супольнасці або прафесійнай экспертызы.

• Асноўны фокус — поўнаметражныя і кароткаметражныя дакументальныя фільмы і іх impact-кампаніі;
• Перавага аддаецца праектам, дзе ўжо ёсць прадусар(-ка) з рэальнымі паўнамоцтвамі. Калі прадусара(-кі) пакуль няма, гэта трэба пазначыць у LOI і апісаць, як вы плануеце яго ці яе знайсці;
• Для кароткаметражных і серыйных праектаў больш шанцаў мае запыт на impact-кампанію для цалкам прафінансаванага фільма з ужо дамоўленым распаўсюдам, чым запыт на вытворчасць;
• Мастацкае кіно, падкасты і гібрыдныя фарматы фонд звычайна не фінансуе, хоць кожны запыт разглядае асобна;
• Мінімальнага або максімальнага бюджэту праекта няма: важна, каб фінансавы план быў рэалістычны, а грант мог адчувальна паўплываць на лёс фільма.

Што прапануецца:
Гранты звычайна ад 25 000 да 150 000 USD (≈ 22 000–133 000 EUR) на праект. Суму вызначаюць паводле патрэбаў, стадыі і патэнцыялу ўплыву праекта.

Што можа падтрымлівацца:

• Вытворчасць і постпрадакшн
  Падтрымка дакументальных праектаў, якія працуюць са складанымі сацыяльнымі, культурнымі або палітычнымі тэмамі і маюць патэнцыял уплываць на грамадскае разуменне, культуру або сістэмныя змены;
• Impact-стратэгія, кампаніі і грамадскае ўцягванне
  Планаванне і рэалізацыя сацыяльнай impact-стратэгіі фільма: вызначэнне аўдыторый, пошук партнёраў, паказы, дыскусійныя матэрыялы і шырэйшыя public engagement-кампаніі;
• Impact-арыентаваны распаўсюд
  Стратэгіі распаўсюду, якія служаць мэтам сацыяльных зменаў. Гэта могуць быць як камерцыйныя дамоўленасці пра дыстрыбуцыю, што дапамагаюць павялічыць бачнасць тэмы, так і самастойны распаўсюд фільма аўтарамі(-камі): паказы ў супольнасцях, партнёрствы з рухамі, інстытуцыйныя паказы і мэтавая публічная камунікацыя;
• Кампенсацыя ўдзельнікам(-цам) фільма
  Падтрымка кампенсацыі людзям, чые веды, давер і асабісты досвед сталі важнай часткай дакументальнага праекта. Фонд разглядае такую кампенсацыю як этычную практыку і як тое, што можа ўзмацніць сам фільм.

Праекты, якія атрымалі грант на вытворчасць або постпрадакшн, пазней могуць разглядацца для паўторнай падтрымкі на impact-этапе.

Моцныя заяўкі павінны паказваць яснасць і прадуманасць у пяці кірунках:

• Стратэгічная яснасць — для каго фільм, чаму важна дайсці да гэтай аўдыторыі і як фільм можа паўплываць на яе;
• Адказнасць перад супольнасцю і размеркаванне ўлады — удзел людзей з непасрэдна закранутых супольнасцяў у прыняцці рашэнняў, стратэгіі і рэдакцыйных выбарах;
• Экспертыза ў тэме і разуменне кантэксту — сувязь з экспертамі(-камі), удзельнікамі(-цамі), арганізацыямі, рухамі і ўжо існымі працамі ў гэтай тэме;
• Рэалістычная вытворчасць і распаўсюд — зразумелы шлях да завяршэння фільма, бюджэт, фінансавы план, роля прадусара(-кі) і impact-арыентаваная стратэгія распаўсюду;
• Супольнае навучанне і ўнёсак у поле — гатоўнасць дзяліцца досведам, удзельнічаць у даследаваннях, case studies, дыялогу паміж сектарамі і развіцці дакументальнай практыкі.

Асобная магчымасць:
Фонд таксама запусціў Perspective Films — invitation-only co-production initiative, якая спалучае грантавую падтрымку з hands-on executive producing для чатырох фільмаў на год.

Для Perspective Fund і Perspective Films выкарыстоўваецца адзін і той жа submission pipeline: каманды падаюць адзін LOI, але праект разглядаюць для адной з праграм, а не для абедзвюх адначасова.

Што чакаецца ад грантаатрымальнікаў(-ц):

• Фінальная справаздача — абавязковая для ўсіх грантаў; фармат і дэталі вызначае куратар(-ка) праграмы ў грантавай дамове;
• Стандартны грантавы маніторынг і фінансавы кантроль. На творчыя і рэдакцыйныя рашэнні ён не ўплывае — яны цалкам застаюцца за камандай;
• Калі агульная падтрымка складае 150 000 USD і больш, фонд можа папрасіць крэдыт «in association with» — гэта вырашаюць індывідуальна.

Дэдлайн: няма — LOI разглядаюцца па меры паступлення. Адказ прыходзіць цягам шасці месяцаў: адмова або запрашэнне даслаць дадатковыя матэрыялы.

Як падавацца: запоўніць форму Letter of Inquiry (LOI) для фільмаў. Поўныя заяўкі фонд прымае толькі па запрашэнні: калі LOI пройдзе далей, адбудзецца некалькі размоў з куратарам(-кай) праграмы, і толькі пасля гэтага могуць запрасіць падаць заяўку на грант.

Старонка open call: Documentary Film Support · FAQ фонда

Кантакт: hello@perspectivefund.org — для агульных пытанняў.

Арганізатар: Perspective Fund (ЗША).