Для каго:

Дакументалісты(-ткі) з усяго свету, старэйшыя за 18 гадоў. Галоўныя ўмовы:

• Трэба мець за плячыма як мінімум адзін завершаны дакументальны фільм (кароткі або поўнаметражны) або падобную аўтарскую нон-фікшн працу, якую адабраў прызнаны фестываль або замовіла ці распаўсюдзіла вядомая медыйная або дакументальная платформа;
• Галоўны(-ая) заяўнік(-ца) — рэжысёр(-ка) будучага фільма; сарэжысёры(-кі) могуць быць, але аднаго(-у) трэба пазначыць галоўным(-ай);
• Кожны чалавек можа ўдзельнічаць толькі ў адной заяўцы;
• На момант падачы трэба мець юрыдычна зарэгістраваную прадзюсарскую кампанію — фізічнай асобе грант не выплачваюць.

Што прапануецца:

• Грант 20 000 GBP (≈ 24 000 EUR) кожнаму з пяці фільмаў;
• Анлайн-праграма развіцця з майстар-класамі ад BAFTA Albert, YouTube, Together Films і іншых экспертаў(-ак) — пра рамяство, устойлівую вытворчасць, лічбавы сторытэлінг і ўплыў фільма;
• Падтрымка Earthrise падчас вытворчасці — рэгулярныя сустрэчы і фідбэк;
• Субцітры і творчыя цітры ад партнёра Screen Language;
• Сусветная прэм'ера на SXSW London 2027 і глабальны рэліз на YouTube.

20 000 GBP мусяць пакрыць увесь кошт фільма і дадатковых матэрыялаў; дадатковае фінансаванне прыцягваць нельга. Правы на фільм застаюцца за аўтарамі(-камі).

Што чакаецца ад удзельнікаў(-ц):

• Зняць дакументальны фільм прыкладна на 10 хвілін і дзве 2-хвілінныя версіі для сацсетак — гарызантальную і вертыкальную;
• Удзельнічаць у абавязковых анлайн-сесіях праграмы ў пачатку 2027 года;
• Распрацаваць стратэгію, як фільм дойдзе да аўдыторыі;
• Працаваць у межах рэдакцыйных, юрыдычных і камерцыйных умоваў фонду — яны прапісаныя ў Terms & Conditions.

Патрабаванні да фільма:

• Толькі дакументальнае кіно, без ігравой драматургіі;
• Завершаны самастойны твор, а не тызер або пілот для поўнаметражнага фільма;
• Праект можа быць у распрацоўцы і мець папярэднія здымкі, але яшчэ не павінен быць у вытворчасці або постпрадакшне;
• Мова фільма — любая, з субтытрамі паводле ўмоваў фонду;
• Кантэнт, створаны штучным інтэлектам, у матэрыялах для гледачоў(-чак) выкарыстоўваць нельга.

Для заяўкі патрэбныя:

Заяўку падаюць па-англійску праз анлайн-форму. Трэба паказаць, што ў вас ёсць доступ да гісторыі і галоўных герояў(-інь) фільма. Поўны пералік пытанняў — у форме і ў творчым брыфе.

Таймлайн:

• Снежань 2026 года — адказы заяўнікам(-цам);
• Пачатак студзеня 2027 года — абвяшчэнне пяці пераможцаў і старт праграмы;
• Студзень–травень 2027 года — распрацоўка, здымкі і постпрадакшн;
• 26 траўня 2027 года — прэм'ера на SXSW London;
• 11 чэрвеня 2027 года — прыз глядацкіх сімпатый.

Перад падачай абавязкова прачытайце Terms & Conditions і FAQ.

Кантакт: planethealth@earthrise.studio

Арганізатар: Earthrise і Bupa ў партнёрстве з BAFTA Albert і SXSW London; пры падтрымцы YouTube, Together Films і Screen Language.