Для каго: замежныя пісьменнікі(-цы), драматургі(-іні) і літаратурныя перакладчыкі(-цы), якія хочуць працаваць над творчым праектам у Празе.

Патрабаванні:

• Базавае веданне англійскай мовы;
• Для пісьменнікаў(-ц) — мінімум адна апублікаваная кніга, не self-published, або дастатковая колькасць публікацый у анталогіях і літаратурных часопісах;
• Для драматургаў(-інь) — дзве апублікаваныя або пастаўленыя радыёп’есы ці адна прафесійна пастаўленая або апублікаваная тэатральная п’еса;
• Для перакладчыкаў(-ц) — мінімум адзін пераклад твора чэшскага(-ай) аўтара(-кі);
• Гатоўнасць працаваць над тэкстам падчас рэзідэнцыі;
• Інтарэс да Прагі і мясцовага культурнага кантэксту;
• Гатоўнасць удзельнічаць у літаратурным жыцці горада: чытаннях, сустрэчах са студэнтамі, размовах і іншых падзеях.

Аўтары(-кі), якія ўжо атрымлівалі гэтую стыпендыю раней, не могуць падавацца паўторна.

У 2027 годзе праграма прапануе 2-месячныя рэзідэнцыі ў наступныя перыяды:

• Студзень — люты;
• Сакавік — красавік;
• Травень — чэрвень;
• Ліпень — жнівень;
• Верасень — кастрычнік;
• Лістапад — снежань.

Прапануецца:

• Пражыванне;
• Пакрыццё дарогі;
• Стыпендыя 15 000 CZK у месяц — прыкладна 600 еўра;
• Магчымасць удзелу ў літаратурных падзеях Прагі.

Важна:
Падчас рэзідэнцыі або не пазней чым праз 2 месяцы пасля яе завяршэння ўдзельнік(-ца) павінен(-на) перадаць Municipal Library in Prague тэкст, натхнёны рэзідэнцыяй. Бібліятэка зможа выкарыстоўваць гэты тэкст для прасоўвання праграмы Prague City of Literature у электронным і друкаваным фармаце на падставе ліцэнзійнай дамовы.