Прэзентацыя беларускіх кінапраектаў на Еўрапейскім кінарынку Берлінале 2027
Беларуская незалежная кінаакадэмія (BIFA) — арганізацыя, створаная ў эміграцыі ў 2022 годзе для падтрымкі незалежных беларускіх кінематаграфістаў(-ак). З 2023 года яна прадстаўляе беларускія праекты на European Film Market (EFM) — кінарынку Берлінскага міжнароднага кінафестывалю. Мэта — звязаць аўтараў(-рак) з прадзюсарамі(-камі), sales agents, фестывалямі і кінафондамі і зрабіць беларускія гісторыі больш заўважнымі ў еўрапейскім культурным полі.
Для каго:
Для беларускіх кінематаграфістаў(-ак), якія шукаюць еўрапейскіх партнёраў(-ак) і працуюць незалежна ад беларускай дзяржаўнай сістэмы фінансавання кіно. Падавацца могуць і вядомыя аўтары(-кі), і аўтары(-кі) на раннім этапе кар'еры.
Прымаюцца поўнаметражныя ігравыя, дакументальныя і анімацыйныя праекты з міжнародным патэнцыялам на розных стадыях распрацоўкі.
Што прапануецца:
- Прэзентацыя праекта на Еўрапейскім кінарынку падчас 77-га Берлінскага міжнароднага кінафестывалю;
- Падрыхтоўка да кінарынку з ментаркай Leena Pasanen — незалежнай кінаэксперткай і кансультанткай з Фінляндыі — і ментарам Stefano Tealdi — італьянскім прадзюсарам, рэжысёрам і экспертам па дакументальным кіно;
- Магчымасць знайсці прадзюсараў(-ак), sales agents, фестывалі і кінафонды для далейшай працы над фільмам.
Адбор: праекты адбіраюць кінакрытыкіня Irena Kaciałovič і кіназнаўца, арганізатар фестываляў Igor Soukmanov.
Падзея пройдзе 10–16 лютага 2027 года ў Берліне.