QSS Studios & Gallery — прыём выставачных праектаў на 2027/28
Queen Street Studios (QSS) — дабрачынная арганізацыя ў Белфасце (Паўночная Ірландыя), якая з 1984 года дае мастакам(-чкам) даступныя майстэрні і выставачныя прасторы. Яе галерэі — адны з найбольшых у Белфасце, адкрытых для мастакоў(-чак) на раннім і сярэднім этапе кар'еры; штогод тут праходзіць 10–12 выстаў.
Для каго:
Мастакі(-чкі) і куратары(-кі) на любым этапе кар'еры з сольнымі або групавымі праектамі ў любым медыуме выяўленчага мастацтва. Можна прапаноўваць як новыя, так і ўжо існыя працы.
Цяпер QSS збірае прапановы выстаў на 2027/28 год у Gallery 1 і Gallery 2. Абедзве галерэі — на другім паверсе The Arches Centre, даступныя для людзей на вазку (ёсць ліфт). Планы галерэй: Gallery 1, Gallery 2.
Што прапануецца:
- Ганарар за выставу — 250 GBP (≈ 290 EUR) за адну выставу (для групавой выставы — таксама адзін ганарар на ўвесь праект);
- Падтрымка з маркетынгам і прасоўваннем;
- Дакументацыя выставы.
Асобнага вытворчага бюджэту няма: у заяўцы просяць даць бюджэтныя нататкі — як вы плануеце фінансаваць больш амбіцыйныя часткі праекта. У апісанні не пазначана, ці пакрываюцца дарога, пражыванне, транспарціроўка работ і мантаж.
Што чакаецца ад удзельнікаў(-ц):
Абавязковая частка заяўкі — праца з публікай: варкшопы, экскурсіі, перформансы, сувязі са школамі або мясцовымі супольнасцямі, звязкі з белфасцкімі фестывалямі.
Для заяўкі патрэбныя:
- Запоўненая Google-форма: імя, email, тып выставы (сольная або групавая), новыя ці існыя працы;
- Апісанне выставачнага праекта — да 2000 знакаў з прабеламі (≈ 300–350 слоў);
- Праца з публікай — абавязковае поле;
- Біяграфія (да 200 слоў, для групавых выставаў — на кожнага ўдзельніка(-цу)) і бюджэтныя нататкі — па жаданні;
- 6–8 выяваў работ — адным PDF;
- CV — адным PDF (для групавых выстаў — CV усіх удзельнікаў(-ц)).
PDF-файлы трэба адправіць на gallery@queenstreetstudios.net з тэмай «QSS 2027/28 Open Call Supporting material» — з таго самага адраса, што пазначаны ў форме. Няпоўныя заяўкі не разглядаюць. Мова заяўкі ў анонсе не пазначаная; форма — па-англійску.
Заяўкі разглядаюць паводле крытэрыяў:
- Якасць і сіла прадстаўленых работ — 50%;
- Сіла і яснасць выставачнай прапановы — 30%;
- Выканальнасць у тэхнічных і фінансавых межах — 10%;
- Праца з публікай — 10%.
Дэдлайн: 1 лістапада 2026 года, 23:00 па белфасцкім часе (2 лістапада, 00:00 CET).
Калі вам патрэбныя адаптацыі для падачы заяўкі (даступнасць), напішыце на gallery@queenstreetstudios.net да 18 кастрычніка 2026 года — каманда паспрабуе дапамагчы.
Вынікі паведамяць да пачатку снежня 2026 года.
Кантакт: gallery@queenstreetstudios.net
Арганізатар: QSS Studios & Gallery (Queen Street Studios), Белфаст.