re:claim culture 3 — варкшоп пра сацыяльную абарону і аўтарскія выплаты для культурных дзяячак* у Германіі
re:claim culture | Воркшоп #3 прысвечаны тэме сацыяльнай абароны і справядлівых выплат за выкарыстанне твораў. На сустрэчы ўдзельніцы* даведаюцца пра Künstlersozialkasse (KSK), VG WORT і VG Bild-Kunst — інстытуцыі, якія могуць быць важнымі для творчых прафесіяналак* у Германіі. Многія прадстаўніцы* творчых прафесій не ведаюць, што праз гэтыя структуры можна плаціць меншыя ўнёскі на сацыяльнае страхаванне і атрымліваць дадатковыя выплаты за выкарыстанне сваіх твораў.
Для каго: культурныя дзяячкі* з Беларусі і Украіны, якія ўжо працуюць або плануюць пачаць незалежную творчую дзейнасць у Германіі.
Варкшоп будзе карысны аўтаркам*, журналісткам*, мастачкам*, фатографкам*, прадстаўніцам* іншых творчых прафесій і тым, хто хоча лепш зразумець сістэму сацыяльнага страхавання і аўтарскіх выплат у Германіі.
На варкшопе разбяруць:
- Што такое Künstlersozialkasse (KSK);
- Як падаць заяўку ў KSK і якія дакументы патрэбныя;
- Якія фінансавыя перавагі дае KSK;
- Як праз KSK працуе медыцынскае, пенсійнае і сацыяльнае страхаванне;
- Якія віды страхавання асабліва важныя для культурных дзяячак*;
- Што такое VG WORT і VG Bild-Kunst;
- Хто можа атрымліваць выплаты ад VG WORT і VG Bild-Kunst;
- Як рэгістравацца і падаваць свае творы для атрымання аўтарскіх выплат;
- Якіх патрабаванняў трэба трымацца і якіх тыповых памылак варта пазбягаць.
Трэнерка: Таццяна Сталярова
Мовы: украінская, беларуская і нямецкая.
Колькасць месцаў абмежаваная — 8–10 удзельніц*. Для гэтага варкшопу арганізатаркі адкрылі дадатковыя месцы.
Арганізатар: Fem*HUB Bridging Cultures. Праект рэалізуецца пры падтрымцы Senatsverwaltung für Kultur und Gesellschaftlichen Zusammenhalt Berlin.