Для каго:

• Групы мастакоў(-чак), калектывы — праграма разлічаная на выставачныя фарматы, якія збіраюць разам некалькі аўтараў(-ак). Сола-выставы, індывідуальныя прэзентацыі і праекты вакол творчасці аднаго(-ой) аўтара(-кі) не разглядаюцца — гэта прамая ўмова набору;

Пра праграму:

VBKÖ (Vereinigung bildender Künstler*innen Österreichs) — аўстрыйскае аб’яднанне мастачак*, заснаванае ў 1910 годзе, — запрашае дасылаць прапановы на гадавую праграму «Refusing Rehearsing Resisting», якая пройдзе з сакавіка 2027 па люты 2028 года.

Арганізатаркі зыходзяць з таго, што ў свеце нарастаюць аўтарытарызм, фашызм, мілітарызацыя, каланіяльны гвалт і экстрактыўны капіталізм, тым часам як клопат прыватызуецца, салідарнасць крыміналізуецца, а адрозненне падаецца пагрозай. Спасылаючыся на Марыю Галінда — фемінізм ёсць праектам сацыяльнай трансфармацыі, а не толькі правоў жанчын — і на Сару Ахмед, паводле якой фемінісцкая праца часта пачынаецца з адмовы прыняць свет такім, які ён ёсць, яны разглядаюць іншы спосаб жыць і працаваць не як нешта, што чакае наперадзе, а як тое, што мы разам рэпетуем: праз спосабы арганізавацца, ствараць, клапаціцца, слухаць, помніць і змагацца.

Вітаюцца прапановы, у якіх ёсць месца пяшчоце, «нязручным» пачуццям і розным праўдам, а таксама праекты пра тое, як сучасныя квір- і фемінісцкія оптыкі перагукваюцца з мастацкімі, сацыяльнымі і палітычнымі рухамі. Заахвочваецца, каб выстава суправаджалася публічнай праграмай — паказамі, перформансамі, варкшопамі, лекцыямі і іншымі падзеямі.

Што прапануецца:

• Бюджэт 4000 EUR на кожны абраны праект. Гэта агульная сума, якая ўключае і ганарары аўтарам(-кам), і вытворчасць;
• Прасторы VBKÖ і супольная кухня — план памяшканняў апублікаваны на старонцы набору;
• Графічны дызайн промаматэрыялаў у сеціве, анонсы для прэсы і фотадакументацыя;
• Тэхнічная падтрымка пры мантажы — да 10 гадзін;
• Тэхнічнае абсталяванне;
• Лісты-запрашэнні і лісты падтрымкі, каб дапамагчы прыцягнуць дадатковае фінансаванне.

Калі і дзе: VBKÖ, Maysedergasse 2/28 (4-ы паверх), 1010 Вена, Аўстрыя. Праект павінен адбыцца паміж сакавіком 2027 і лютым 2028 года і доўжыцца ад 4 да 6 тыдняў.

Звычайныя гадзіны працы прасторы — пятніца і субота, 14:00–18:00.

Для падачы патрэбны:

• Апісанне праграмы — не больш за 2 старонкі, можна з выявамі, па-англійску або па-нямецку, з пажаданымі датамі і працягласцю;
• CV і біяграфія кожнага(-ай) удзельніка(-цы) — не больш за 1 старонку на асобу;
• Фінансавы план; арганізатаркі раяць складаць яго паводле прынцыпаў Fair Pay;
• Тэхнічныя патрабаванні;
• Тры выявы працаў або эскізаў у высокім разрозненні; відэа можна дадаць спасылкамі ў прапанове;
• Кантактная асоба: электронная пошта, мабільны тэлефон і асноўнае месца жыхарства.