Рэзідэнцыя для research-based праектаў — Konrad and Paweł Jarodzki artist-in-residence programme
Krzyżowa Foundation for Mutual Understanding in Europe запрашае мастакоў(-чак) на шасцітыднёвую рэзідэнцыю ў Польшчы. Удзельнікі(-цы) змогуць развіваць даследчыя мастацкія праекты, звязаныя з памяццю, гісторыяй, дэмакратыяй, міграцыяй і сацыяльнымі або экалагічнымі трансфармацыямі.
Для каго: мастакі(-чкі) з краін, якія ўдзельнічаюць у праграме Creative Europe.
Праграма адкрытая да розных медыя, мастацкіх падыходаў і практык, асабліва тых, што ўважлівыя да сацыяльнага і прыроднага асяроддзя, працуюць з мінулым або эксперыментуюць з будучыняй.
Асабліва вітаюцца тэмы:
- Памяць і ідэнтычнасць;
- Грамадзянская адвага і дэмакратыя;
- Міграцыі і дыялог;
- Прымірэнне і польска-нямецкая гісторыя;
- Сацыяльныя і экалагічныя трансфармацыі;
- Міжкультурныя сувязі і супраца.
Гатовая праектная прапанова не абавязковая: у форме можна апісаць ідэі, пытанні і тэмы, якія вы хацелі б даследаваць падчас рэзідэнцыі.
Прапануецца:
- Час і прастора для мастацкага даследавання;
- Пражыванне;
- Фінансавая падтрымка;
- Вытворчы бюджэт;
- Куратарская падтрымка;
- Магчымасць працаваць у дыялогу з гісторыяй месца і дзейнасцю Фундацыі.