Для каго:

Даследчыкі(-цы) ў галіне гуманітарных і сацыяльных навук, якія глядзяць на свой матэрыял з пазіцыі антрапалогіі, археалогіі або сумежных дысцыплін — гісторыі, сацыялогіі і інш. Праграма разлічаная на тых, хто ўжо сабраў матэрыял і цяпер мае патрэбу ў часе, каб напісаць кнігу або дысертацыю.

• Старэйшыя даследчыкі(-цы) павінны мець ступень PhD на момант падачы;
• Аспіранты(-кі) таксама могуць падавацца, але атрымліваюць меншую стыпендыю;
• Частка стыпендый — толькі для даследчыкаў(-ц) з карэнных народаў ЗША (Native American).

Пра праграму:

School for Advanced Research (SAR) больш за 50 гадоў запрашае навукоўцаў(-ак) на рэзідэнцыі ў Санта-Фе, каб яны маглі засяродзіцца на тэксце ў міждысцыплінарнай супольнасці. Перавага аддаецца эмпірычна абгрунтаваным даследаванням.

У гэтым наборы праз адну заяўку разыгрываюцца такія стыпендыі:

• Weatherhead Fellowship — дзве 9-месячныя рэзідэнцыі для доктараў(-ак) навук, якія пішуць кнігу, і аспірантаў(-ак), якія пішуць дысертацыю;
• Paloheimo Foundation Fellowship — адна 9-месячная рэзідэнцыя для аспірантаў(-ак), якія пішуць дысертацыю;
• Katrin H. Lamon Fellowship — адна рэзідэнцыя для даследчыка(-цы) з карэнных народаў ЗША (да або пасля PhD) або для пісьменніка(-цы) з карэнных народаў з грунтоўным спісам публікацый.

Што прапануецца:

• Стыпендыя для старэйшых даследчыкаў(-ц): 70 000 USD ≈ 61 550 EUR за 9 месяцаў або 35 000 USD ≈ 30 780 EUR за 4,5 месяца;
• Стыпендыя для аспірантаў(-ак): 50 000 USD ≈ 43 970 EUR за 9 месяцаў;
• Кватэра на кампусе.

Асобных кабінетаў цяпер няма з-за будаўніцтва. У апісанні не пазначана, ці трэба плаціць за кватэру і ці пакрываюцца дарога і візавыя выдаткі.

Што чакаецца ад удзельнікаў(-ц):

• Праект, які можна істотна завяршыць за 9 месяцаў (семестравыя рэзідэнцыі на 4,5 месяца для выкладчыкаў(-ц) разглядаюць індывідуальна — у залежнасці ад наяўнасці кватэр);
• Жыць на месцы не менш за 90% часу рэзідэнцыі;
• Старэйшыя даследчыкі(-цы) нефармальна падтрымліваюць маладзейшых.

Крытэрыі ацэнкі:

• Ці праект істотна прасоўвае сваю галіну даследаванняў;
• Ці заяўка і ранейшыя публікацыі паказваюць, што вы ўмееце пісаць зразумела для чытачоў(-ак) па-за вузкім колам спецыялістаў(-ак).

Рэцэнзенты(-кі) ацэньваюць праект з пазіцыі той галіны і падыходу, якія абраў(-ла) сам(-а) заяўнік(-ца), а не паводле ўласных навуковых прыхільнасцяў.

Для заяўкі патрэбныя:

• Анатацыя — да 200 слоў (PDF);
• Апісанне праекта — да 4 старонак (PDF, 12 кегль, інтэрвал 1,5): пытанні, метады, значнасць, што плануеце зрабіць за год і на якім этапе цяпер даследаванне;
• Кароткая бібліяграфія — да 1 старонкі (PDF);
• CV — да 4 старонак (PDF);
• Тры рэкамендацыйныя лісты — да 2 старонак кожны, праз анлайн-сістэму.

Усе дакументы — 12 кегль, палі не менш за 1 цалю. Дадатковыя матэрыялы не разглядаюцца. За тое, каб рэкамендацыі паспелі да дэдлайну, адказвае сам(-а) заяўнік(-ца).

Дэдлайн: 2 лістапада 2026 года (першы панядзелак лістапада). Час не пазначаны — калі арыентавацца на канец дня па часе Санта-Фе (MST), гэта 3 лістапада 2026 года, 07:59 CET. Надзейней падаць раней.

Вынікі аб'яўляюць у сакавіку 2027 года, рэзідэнцыя пачынаецца 1 верасня 2027 года.

Як падавацца:

Праз анлайн-партал SAR: зарэгіструйцеся, стварыце заяўку ў раздзеле Resident Scholar Fellowships, загрузіце дакументы і адпраўце заяўку са статусам FINAL. Да адпраўкі яе можна захоўваць як чарнавік.

Кантакт: scholar@sarsf.org, +1 505 954 7237.

Арганізатар: School for Advanced Research, Санта-Фе, Нью-Мексіка (ЗША).