Для каго: беларускі, якія жывуць у Варшаве і хочуць больш праяўляцца, дзяліцца досведам і рэалізоўваць свае ідэі.

Курс адкрыты для актыўных жанчын любога ўзросту і з розным досведам. Гатовая ідэя, досвед арганізацыі падзей ці адчуванне сябе лідаркай не патрэбныя — дастаткова цікаўнасці, жадання ўключацца ў працэс і падтрымліваць адна адну.

У першую чаргу запрашаюць тых, хто жыве ў Варшаве. З іншых гарадоў удзельнічаць можна, калі дабірацца самастойна.

Фармат:

• Тры варкшопы па суботах: 31 кастрычніка, 14 лістапада і 28 лістапада 2026 года, з 11:00 да 17:00;
• Мовы ўдзелу: беларуская і руская.

Што прапануецца:

• Тры практычныя варкшопы: «Што ў мяне ўжо ёсць і што я хачу зрабіць», «Людзі, сувязі, рэсурсы» і «Плануем праект разам»;
• Некалькі нефармальных сустрэч, каб пазнаёміцца з лідаркамі розных суполак і наведаць цікавыя прасторы Варшавы;
• Фінальная супольная падзея, якую арганізуюць самі ўдзельніцы;
• Вегетарыянскае харчаванне на сустрэчах (у форме можна пазначыць алергіі і іншыя патрэбы).

Што чакаецца ад удзельніц:

• Пажаданы ўдзел ва ўсіх трох варкшопах: пры адборы перавагу аддаюць тым, хто зможа прыйсці на кожны, бо праграма разлічаная на пастаянную групу;
• Праца над агульнай ідэяй разам з групай;
• Падрыхтоўка і правядзенне фінальнай падзеі.

Для заяўкі патрэбныя:

• Імя і прозвішча або псеўданім;
• Асноўны кантакт (Telegram або email) і, па жаданні, дадатковы;
• Горад пражывання і ўзроставы дыяпазон (на адбор не ўплывае);
• Кароткі расповед пра свой прафесійны або валанцёрскі досвед і інтарэсы;
• Матывацыя: чаму хочаце ўдзельнічаць і чаго чакаеце ад курсу;
• Ідэя падзеі, калі ёсць (неабавязкова);
• Даты варкшопаў, на якія зможаце прыйсці;
• Спасылка на профіль у сацсетках — неабавязкова, але пажадана.

Кантакт: team@oeek.pl

Арганізатаркі: Арганізацыя еўрапейскай экспертызы і камунікацый (OEEK) і ISKRA.