Праграмы SI Academy разлічаныя на прафесіяналаў(-ак) з Арменіі, Азербайджана, Беларусі, Грузіі, Малдовы і Украіны. У кожнай праграмы спіс краін можа адрознівацца — напрыклад, праграма пра культурную палітыку прызначаная толькі для Украіны і Арменіі.

Агульныя патрабаванні SI Academy:

• Грамадзянства або рэзідэнцтва адной з шасці краін;
• Добрая вусная і пісьмовая англійская;
• Вышэйшая адукацыя — не менш за 3 гады навучання;
• Праца ў дзяржаўным сектары, НКА, бізнесе або культуры па тэме праграмы.

Для Беларусі агульнае правіла SI Academy — падавацца могуць толькі прадстаўнікі(-цы) грамадзянскай супольнасці.

Пра праграмы:

SI Academy: Eastern Europe — навучальныя праграмы Swedish Institute пра дэмакратычнае кіраванне і набліжэнне да ЕС для краін Усходняга партнёрства. Кожную праграму праводзяць шведскія ўніверсітэты або арганізацыі разам з партнёрамі з рэгіёна. Тры праграмы 2026 года адкрыюць набор пазней:

• Культурная палітыка — для Украіны і Арменіі;
• Кіраванне з удзелам грамадзян (participatory governance);
• Дэмакратычнае лідарства праз народную адукацыю.

Заяўкі падаюцца наўпрост арганізатарам канкрэтнай праграмы — спасылкі з'явяцца на старонцы SI Academy пасля адкрыцця набору. Можна падавацца на некалькі праграм, але прымуць толькі на адну.

Арганізатар:

Праграмы фінансуе Swedish Institute (Svenska institutet) у межах SI Baltic Sea and Eastern Partnership Programme.