Для каго:

Фатографы(-кі) ад 18 гадоў з любой краіны — і аматары(-аркі), і прафесіяналы(-кі). Праграма асабліва разлічаная на тых, чыя праца яшчэ не атрымала значнага прызнання ці падтрымкі.

Падавацца не могуць:

• Аўтары(-кі), якія мелі персанальную або групавую (да васьмі ўдзельнікаў(-ц)) выставу ў Silver Eye з 1 студзеня 2022 па 31 снежня 2026 года;
• Супрацоўнікі(-цы) Silver Eye і іх сваякі, члены праўлення, цяперашнія інтэрны(-кі) і стыпендыяты(-кі), падрадчыкі(-цы) арганізацыі.

Калі вы выстаўляліся ў Silver Eye да 2022 года, новая заяўка мусіць заўважна адрознівацца ад таго, што вы ўжо паказвалі або падавалі.

Keystone Award і ганаровыя згадкі ў гэтай катэгорыі — толькі для жыхароў(-рак) Пенсільваніі або для здымкаў, зробленых у Пенсільваніі.

Што прапануецца:

• International Fellowship Award — 1000 USD (≈ 860 EUR) для аўтара(-кі) з любой краіны;
• Keystone Award — 1000 USD (≈ 860 EUR) для аўтара(-кі), які(-ая) жыве або здымае ў Пенсільваніі;
• Ганаровыя згадкі — па 500 USD (≈ 430 EUR). Паводле правілаў, на выставу трапяць чатыры такія аўтары(-кі);
• Удзел у выставе Fellowship 27 у Silver Eye у траўні 2027 года — для ўсіх шасці абраных;
• Куратарская падтрымка;
• Абмежаваная дапамога з друкам, афармленнем і мантажом прац ад Lab @ Silver Eye;
• Страхоўка прац, пакуль яны знаходзяцца ў галерэі;
• Зваротная дастаўка прац — у большасці выпадкаў Silver Eye аплачвае яе праз FedEx Ground.

Што чакаецца ад удзельнікаў(-ц):

• Падрыхтаваць выставачныя адбіткі — прафесійна надрукаваныя, у паспарту (калі трэба), у раме або змантаваныя на аснову;
• Узгадніць канчатковы спіс прац з кіраўніцтвам Silver Eye — галерэя можа замяніць частку пададзеных здымкаў іншымі з той жа серыі;
• Падпісаць дамову з Silver Eye пра страхоўку, тэрміны дастаўкі і мантажу;
• Дазволіць Silver Eye без ганарару выкарыстоўваць ваша імя, выяву і здымкі ў публічнасці праграмы — аўтарскае права застаецца за вамі.

Для заяўкі патрэбныя:

• Да 20 здымкаў — файлы па ўзоры 01-yourlastname.jpg, да 1500 px па даўжэйшым баку;
• Творчая заява — да адной старонкі ў PDF;
• Біяграфія і/або CV — да адной старонкі ў PDF;
• Спіс прац на адну старонку — імя, кантакты, назва праекта (калі ёсць), а па кожным здымку нумар файла, назва (або Untitled) і год;
• Рэгістрацыйны ўнёсак — 40 USD (≈ 34 EUR) за заяўку з не больш чым 20 здымкамі.

Дэдлайн: 19 лістапада 2026 года, 12:00 EST.

Вынікі будуць да студзеня 2027 года: абраным патэлефануюць, астатнім напішуць на пошту. Выстава — у траўні 2027 года.

Узор спісу прац — у PDF ад арганізатараў.

Поўныя правілы і FAQ: https://silvereye.org/about/fellowship-guidelines-and-faq

Кантакт: Leo Hsu, выканаўчы дырэктар Silver Eye — leo@silvereye.org

Арганізатар: Silver Eye Center for Photography — некамерцыйны цэнтр сучаснай фатаграфіі ў Пітсбургу (ЗША).

Важна:

• Унёсак не вяртаюць. Ёсць невялікая колькасць поўных і частковых вызваленняў ад унёску для тых, каму складана заплаціць, — пра гэта трэба напісаць Leo Hsu да падачы;
• Калі працы прададуць у межах выставы, Silver Eye пакідае сабе 40% камісіі.