Для каго:
Незалежныя прафесіяналы(-кі) і эксперты(-кі) з Паўночнай Македоніі і з-за яе межаў — грамадзянства не абмежаванае. Абавязковыя ўмовы:

• Не менш за 5 гадоў прафесійнага досведу ў адной або некалькіх дысцыплінах са спісу ніжэй;
• Выдатная пісьмовая і вусная англійская — заяўкі і ўся ацэнка ідуць па-англійску;
• Уменне працаваць з электроннымі платформамі для адміністравання грантаў, лічбавымі інструментамі ацэнкі і сістэмамі анлайн-супрацы;
• Прафесійная незалежнасць і адсутнасць канфлікту інтарэсаў.

Дысцыпліны, у якіх шукаюць досвед:

• Сучаснае мастацтва;
• Сцэнічныя мастацтвы;
• Музыка;
• Кіно, аўдыявізуальныя і мультымедыйныя мастацтвы;
• Лічбавыя і новыя медыя;
• Літаратура і выдавецкая справа;
• Культурная спадчына і музеялогія;
• Архітэктура, дызайн і гарадское развіццё;
• Культурныя і крэатыўныя індустрыі;
• Культменеджмент і распрацоўка культурных праграм;
• Еўрапейскія культурныя палітыкі;
• Міжнародная культурная супраца;
• Распрацоўка і кіраванне культурнымі праектамі;
• Новыя тэхналогіі і штучны інтэлект;
• Адукацыя і даследаванні;
• Ацэнка праектаў, якія фінансуе Еўрапейскі Саюз і міжнародныя донары;
• Гарадское развіццё і публічная прастора;
• Культурны і крэатыўны турызм.

Што трэба будзе рабіць:

• Самастойна і аб'ектыўна разглядаць і ацэньваць праектныя заяўкі — дыстанцыйна (анлайн), праз афіцыйную электронную платформу фундацыі;
• Рыхтаваць індывідуальныя ацэначныя справаздачы (Individual Evaluation Reports) з пісьмовым абгрунтаваннем і баламі;
• Удзельнічаць у кансенсусных сустрэчах і ацэначных панэлях;
• Ацэньваць праектныя бюджэты, фінансавае абгрунтаванне, суадносіны кошту і якасці, арганізацыйную здольнасць і кіраванне рызыкамі;
• Перад кожным цыклам ацэнкі падпісваць дэкларацыю пра незалежнасць, бесстароннасць, канфідэнцыяльнасць і адсутнасць канфлікту інтарэсаў;
• Пацвярджаць сваю даступнасць перад кожным новым цыклам.

Абавязак канфідэнцыяльнасці дзейнічае і пасля завяршэння працы.

Па якіх крытэрыях эксперты(-кі) ацэньваюць праекты:

• Рэлевантнасць праграме Skopje 2028;
• Еўрапейскі вымер;
• Мастацкая якасць і інавацыйнасць;
• Здольнасць рэалізаваць праект;
• Развіццё аўдыторыі і ўключэнне супольнасці;
• Устойлівасць і спадчына праекта;
• Бюджэт і суадносіны кошту і якасці.

Як адбіраюць саміх экспертаў(-ак):
Спачатку — праверка: поўнасць дакументаў, 5 гадоў досведу, англійская і лічбавыя навыкі, падпісаныя дэкларацыі. Хто не праходзіць гэты этап, да балаў не дапускаецца.

Далей — ацэнка па матрыцы на 100 балаў:

• Рэлевантны прафесійны досвед — 25 балаў;
• Спецыфічная экспертыза ў сферы (domain expertise) — 25 балаў;
• Досвед у праграмах ЕС, ECoC і міжнародных праектах — 15 балаў;
• Досвед ацэнкі і адбору (журы, камітэты, гранты) — 15 балаў;
• Еўрапейская і міжнародная супраца — 10 балаў;
• Гарызантальныя кампетэнцыі (уключэнне, зялёныя практыкі, лічбавізацыя і інш.) — 5 балаў;
• Мовы і лічбавыя навыкі — 5 балаў.

Каб трапіць у Рэгістр, трэба набраць не менш за 60 балаў са 100.

Фінальны склад Рэгістра дадаткова балансуюць па геаграфіі, гендары, сферах і мовах, але толькі сярод тых, хто ўжо перайшоў мінімальны парог — баланс не можа адмяніць прафесійныя крытэрыі.

Што дае перавагу пры адборы:

• Досвед незалежнага эксперта(-кі), ацэншчыка(-цы) у праграмах ЕС — Creative Europe, Horizon Europe, Erasmus+, Interreg — а таксама ў UNESCO і іншых міжнародных культурных фондах;
• Досвед працы з Еўрапейскімі сталіцамі культуры (ECoC) — падрыхтоўка, кіраванне, праграмаванне, маніторынг або ацэнка;
• Удзел у нацыянальных і міжнародных журы, экспертных панэлях, праграмных радах;
• Веданне еўрапейскіх культурных палітык і стратэгічных дакументаў ЕС у сферы культуры;
• Досвед у міжнародных капрадукцыях, транснацыянальных праектах, мастацкай мабільнасці і культурных сетках;
• Досвед маніторынгу, ацэнкі ўплыву і працы з індыкатарамі;
• Досвед фінансавай і арганізацыйнай ацэнкі праектаў;
• Гарызантальныя кампетэнцыі: уключэнне і даступнасць, удзел моладзі, развіццё аўдыторыі, праца з супольнасцю, міжкультурны дыялог, недыскрымінацыя, гендарная роўнасць, экалагічная ўстойлівасць, лічбавая трансфармацыя ў культуры.

Правілы аплаты апісаныя так:

• Ганарар вызначаецца да пачатку працы і фіксуецца ў індывідуальным дагаворы на экспертныя паслугі;
• Перад тым як пагадзіцца на канкрэтную замову, эксперт(-ка) атрымлівае ў пісьмовым выглядзе: мадэль і суму ганарару, чаканую колькасць заявак, дэдлайн ацэнкі, абавязкі па кансенсусе і ўмовы з тэрмінам выплаты;
• Мадэлі аплаты: за кожную заяўку, дзённая ставка або камбінаваная схема — залежна ад аб'ёму і складанасці;
• За аднолькавыя і параўнальныя задачы плацяць аднолькава; любое адступленне мусіць мець дакументаванае абгрунтаванне;
• Ганарар ніяк не залежыць ад вынікаў ацэнкі;
• Калі патрэбная фізічная прысутнасць, могуць кампенсаваць дарогу, пражыванне і іншыя абгрунтаваныя прамыя выдаткі.

Для заяўкі патрэбныя (усё па-англійску):

• Прафесійнае CV у фармаце Europass, дзе пазначаны досвед у сферы культуры;
• Матывацыйны ліст — не больш за 550 слоў — з указаннем канкрэтных сфер экспертызы;
• Партфоліа або спіс рэферэнсаў па раней рэалізаваных ці ацэненых праектах;
• Падпісаная дэкларацыя пра незалежнасць, канфідэнцыяльнасць і адсутнасць канфлікту інтарэсаў;
• Дэкларацыя пра дакладнасць даных і згода на апрацоўку персанальных даных.

Пра Рэгістр: ён дзейнічае 2 гады, з магчымымі абнаўленнямі кожныя 12 месяцаў. Трапіць у Рэгістр — не значыць атрымаць працу. Замовы размяркоўваюць паводле рэлевантнасці экспертызы, даступнасці, мовы, адсутнасці канфлікту інтарэсаў і разумнага размеркавання нагрузкі.