Для каго:

Аўтары(-кі) любога жанру, якія творча працуюць з гукам і/або музыкай. Падавацца могуць людзі, якія:

• На 14 кастрычніка 2026 года маюць 18 гадоў або больш;
• Базуюцца ў Германіі або ў адной з краін са спісу: Аргенціна, Бангладэш, Егіпет, Зімбабвэ, Індыя, Казахстан, Кенія, Куба, Нігерыя, Пакістан, Танзанія, Турцыя, Узбекістан, Украіна;
• Гатовыя працаваць у пары з чалавекам, з якім раней не былі знаёмыя і не супрацоўнічалі;
• Могуць удзельнічаць ва ўсіх анлайн-сесіях у вызначаныя даты.

Аўтары(-кі) з Вялікабрытаніі ўдзельнічаюць праз закрыты набор для alumni Sound and Music.

Пра праграму:

Sounds Unseen — праграма замоваў новай музыкі для радыё ад British Council і брытанскай арганізацыі Sound and Music. Гэта другі год праграмы: цяпер падтрымаюць 10 аўтараў(-ак). Акрамя радыёпрацы, кожны(-ая) распрацуе ад аднаго да трох працягаў праекта ў сваім горадзе — напрыклад, адукацыйны варкшоп, мясцовы паказ, EP або дакументальны фільм.

Што прапануецца:

• Ганарар за замову — 1 500 GBP ≈ 1 770 EUR;
• Да 200 GBP ≈ 235 EUR на вытворчыя выдаткі;
• Да 500 GBP ≈ 590 EUR на працяг праекта (legacy outcomes);
• Чатыры групавыя анлайн-сесіі з фасілітатаркай Dawn Scarfe;
• Тры анлайн-сесіі ў парах і дзве індывідуальныя сесіі з куратарам(-кай) праграмы (Creative Programme Leader);
• Падтрымка міжнароднай супольнасці ўдзельнікаў(-ц) Sounds Unseen;
• Радыёпрэм'ера працы;
• Падтрымка даступнасці, калі патрэбна.

Што чакаецца ад удзельнікаў(-ц):

• Удзел ва ўсіх анлайн-сесіях;
• Сумесная радыёпраца, гатовая да 24 лютага 2027 года;
• Ад аднаго да трох працягаў праекта ў сваім кантэксце.

Таймлайн:

• 22 кастрычніка – 10 лістапада 2026 года — адбор;
• 11 лістапада 2026 года — вынікі;
• 25 лістапада 2026 года — першая сесія;
• 9 снежня 2026 года, 13 студзеня і 3 лютага 2027 года — сесіі пра супрацу і рэфлексію;
• 24 лютага 2027 года — працы гатовыя;
• Сакавік 2027 года — радыётрансляцыя, працяг праекта і фінальная сесія.

Арганізатары папярэджваюць, што пры вялікай колькасці заявак таймлайн можа змяніцца.

Дэдлайн: 14 кастрычніка 2026 года, 23:59 BST (15 кастрычніка, 00:59 CEST). Для тых, каму патрэбныя асаблівыя ўмовы даступнасці, ёсць падоўжаны дэдлайн — 21 кастрычніка 2026 года, 23:59 BST.

Кантакт: Shannon-Latoyah Simon, British Council — ShannonLatoyah.Simon@britishcouncil.org (для заяўнікаў(-ц) з краін са спісу).

Арганізатары: British Council і Sound and Music.