Storytelling for Impact — моладзевы абмен у Фрайбургу пра сторытэлінг і грамадзянскую актыўнасць
Storytelling for Impact — моладзевы абмен у Фрайбургу-ім-Брайсгаў, які збярэ 24 удзельнікаў(-ц) з Германіі, Францыі і Беларусі. У цэнтры праграмы — пытанні: што вас хвалюе, за што вы змагаецеся і як ваша гісторыя можа натхніць іншых на дзеянні. Разам удзельнікі(-цы) будуць даследаваць, што робіць сторытэлінг моцным інструментам, абменьвацца поглядамі на грамадзянскую актыўнасць і распрацоўваць падыходы да стварэння гісторый, якія могуць спрыяць зменам.
Для каго: маладыя людзі ва ўзросце 20–35 гадоў, якія прадстаўляюць Беларусь, Германію або Францыю.
Падавацца можна, калі вы:
- цікавіцеся грамадзянскай актыўнасцю і еўрапейскім абменам;
- гатовыя дзяліцца сваім досведам і поглядамі;
- адкрытыя да навучання ў іншых і да розных жыццёвых рэальнасцяў;
- хочаце працаваць са сторытэлінгам як інструментам для сацыяльных зменаў;
- валодаеце англійскай мовай дастаткова, каб удзельнічаць у праграме.
Прафесійны досвед у сторытэлінгу не патрабуецца.
Што будзе ў праграме:
- знаёмства з мясцовымі ініцыятывамі;
- эксперыменты з рознымі медыяфарматамі;
- варкшопы пра дэмакратыю, гістарычную памяць, рэгіянальную ідэнтычнасць, еўрапейскія каштоўнасці і эфектыўную камунікацыю;
- праца над уласнымі творчымі ідэямі;
- удзел у стварэнні шматмоўнага анлайн-курса пра сторытэлінг і грамадзянскую актыўнасць;
- фінальная прэзентацыя / вернісаж.
Папярэдняя праграма:
- 8 лістапада — прыезд і знаёмства;
- 9 лістапада — групавыя актыўнасці, гарадскі квэст, сустрэча з Europa-Zentrum Baden-Württemberg;
- 10 лістапада — варкшоп пра дэмакратыю, наведванне цэнтра гістарычнай дакументацыі;
- 11 лістапада — наведванне франка-германскага культурнага цэнтра, варкшоп з фатографам;
- 12 лістапада — варкшопы і праца над уласным творчым праектам;
- 13 лістапада — вернісаж, ацэнка праграмы і ад’езд.
Праграма можа змяняцца.
Арганізатары забяспечваюць:
- пражыванне;
- харчаванне падчас праграмы.
Удзельнікі(-цы) павінны самастойна набыць квіткі да месца правядзення. Дарожныя выдаткі будуць кампенсаваныя падчас праграмы пры наяўнасці пацвярджальных дакументаў.
Памер кампенсацыі залежыць ад краіны, з якой вы едзеце:
- Германія — да 80 EUR;
- Францыя — да 80 EUR;
- Беларусь — да 400 EUR.
Важна:
Не купляйце квіткі, пакуль не атрымаеце запрашэнне да ўдзелу і пацверджанне маршруту ад арганізатараў.
Калі вы не можаце купіць квіткі самастойна, арганізатары могуць разгледзець магчымасць набыць іх за вас. Такія запыты будуць разглядацца індывідуальна.
Арганізатары не дапамагаюць з візамі.
Калі: 8–13 лістапада 2026 года
Пра вынікі адбору паведамяць па email не пазней за 30 верасня.
Арганізатары:
Clever — internationale Bildung Baden-Württemberg e.V. і CERS / Centre européen Robert Schuman. Праграма рэалізуецца пры падтрымцы беларускай грамадзянскай супольнасці і фінансуецца Franco-German Youth Office і Baden-Württemberg Stiftung.