Для каго: кааліцыі з мінімум 3 арганізацый, якія працуюць у сферы гендарнай роўнасці, фемінісцкіх рухаў, правоў жанчын, трансгендарных, небінарных і гендарна-неканформных людзей.

Прыярытэт — нізавым арганізацыям, якія падтрымліваюць маргіналізаваныя супольнасці: людзей з нізкім даходам, міграцыйным досведам, інваліднасцю, досведам гвалту, з сельскіх або неспрыяльных рэгіёнаў, а таксама расава або этнічна маргіналізаваныя групы.

Хто можа падавацца:

Юрыдычна зарэгістраваныя некамерцыйныя арганізацыі, грамадскія арганізацыі, сацыяльныя прадпрыемствы, фонды, сеткі і пасярэдніцкія арганізацыі.

Сеткі і intermediaries могуць падавацца толькі ў кааліцыі з нізавымі арганізацыямі.

Кожная арганізацыя можа ўдзельнічаць толькі ў адной заяўцы — як галоўны партнёр або як партнёр.

Геаграфія:
Арганізацыі павінны быць зарэгістраваныя і працаваць у Еўрапейскім Саюзе, Вялікабрытаніі, Арменіі, Босніі і Герцагавіне, Косаве, Чарнагорыі, Паўночнай Македоніі або Сербіі.

Пра конкурс

Мэта праграмы — узмацніць супрацоўніцтва і салідарнасць унутры еўрапейскіх інтэрсекцыйных і нізавых рухаў, каб яны маглі доўгатэрмінова прасоўваць гендарную роўнасць.

Што можа быць падтрымана:

• Нацыянальныя, рэгіянальныя або агульнаеўрапейскія сустрэчы і супольныя праекты;
• Супольныя стратэгіі і абмен досведам;
• Кампаніі фемінісцкіх рухаў з саюзнікамі — кліматычнымі, антырасісцкімі, ЛГБТКІ+, disability rights і іншымі;
• Трэнінгі па наратывах, камунікацыі і лічбавых інструментах;
• Лічбавы сторытэлінг;
• Транснацыянальная адвакатыўная праца;
• Сустрэчы для ўмацавання даверу і працы з напружаннямі ў кааліцыях;
• Пераклад даследаванняў пра антыгендарныя рухі ў практычныя стратэгіі.

Прапануецца:

• Гранты ад 225 000 да 450 000 EUR на кааліцыю;
• Падтрымка на 3 гады — са студзеня 2027 да снежня 2029;
• Ад 75 000 да 150 000 EUR ў год;
• Магчымасць пакрываць зарплаты і адміністрацыйныя выдаткі;
• Overhead costs — да 20% бюджэту.

Агульны бюджэт конкурсу — 2 700 000 EUR. Плануецца падтрымаць 6–12 кааліцый.

Крытэрыі адбору:

• Адпаведнасць мэце конкурсу;
• Досвед умацавання рухаў;
• Патэнцыял уплыву;
• Здольнасць працаваць супольна і інклюзіўна;
• Рэалістычнасць прапановы;
• Справядлівае размеркаванне бюджэту паміж партнёрамі.

Падача праходзіць у 2 этапы. На першым этапе трэба падаць заяўку па-англійску праз анлайн-платформу. У верасні арганізацыі атрымаюць паведамленне, ці прайшлі ў другі этап.

Таймлайн:

• 29 чэрвеня 2026 — адкрыццё першага этапу;
• 6 і 15 ліпеня 2026 — Q&A webinars;
• 7 жніўня 2026 — дэдлайн першага этапу;
• 14 верасня 2026 — вынікі перадбору;
• 23 кастрычніка 2026 — дэдлайн другога этапу;
• Снежань 2026 — фінальныя вынікі;
• Студзень 2027 — пачатак грантаў.