TaDA — Textile and Design Alliance — праграма, якая падтрымлівае эксперыментальную і інавацыйную працу са швейцарскай тэкстыльнай і дызайн-культурай. Рэзідэнты(-кі) будуць працаваць у Арбоне і супрацоўнічаць з тэкстыльнымі кампаніямі, даследчымі і культурнымі інстытуцыямі з Усходняй Швейцарыі і Ліхтэнштэйна. Праектная прапанова павінна ўключаць сувязь з магчымай супрацай з партнёрскімі кампаніямі TaDA.

Запрашаюцца мастакі(-чкі) і крэатыўныя прафесіяналы(-кі) з розных дысцыплін: дызайн, тэкстыльны дызайн, архітэктура, мастацтва, літаратура, перформанс і міждысцыплінарныя праекты.

Важна мець выразны інтарэс да тэкстыльнай вытворчасці, тэкстыльнай культуры і ўстойлівасці. Базавыя тэхнічныя веды ў тэкстыльнай вытворчасці будуць перавагай.

Асабліва вітаюцца праекты з эксперыментальным падыходам.

У 2027 годзе ёсць два перыяды рэзідэнцыі:

• Красавік — чэрвень;
• Верасень — лістапад.

Прапануецца:

• Пражыванне ў супольнай кватэры ў Арбоне, з асобным пакоем;
• Працоўная прастора ў былой тэкстыльнай і машыннай фабрыцы Saurer AG;
• Пакрыццё дарогі;
• Дапамога на жыццёвыя выдаткі;
• Прафесійныя кансультацыі і абмен з партнёрскімі кампаніямі і арганізацыямі;
• Магчымасць выбарачна карыстацца інфраструктурай партнёраў;
• Індывідуальная падтрымка ад тэкстыльнага дызайнера Martin Leuthold, каманды TaDA і знешніх экспертаў(-ак), калі гэта патрэбна.

Ад рэзідэнтаў(-ак) чакаецца:

• Распрацоўка новага праекта ў супрацы з мясцовай тэкстыльнай кампаніяй;
• Публічная прэзентацыя працы;
• Арганізацыя варкшопаў або іншых фарматаў абмену;
• Добрае веданне англійскай або нямецкай мовы.

Для падачы неабходны адзін PDF з наступнымі матэрыяламі:

• CV;
• Партфоліа з аглядам практыкі, з фокусам на апошнія 5 гадоў і тлумачэннем сувязі з тэкстылем;
• Праектная прапанова да 2 старонак A4, якая ўключае мінімум 4 выявы, эскізы, тэхнічныя малюнкі або іншыя візуальныя матэрыялы;
• Тлумачэнне магчымай супрацы з партнёрскімі кампаніямі TaDA;
• Рэкамендацыйны ліст да 1 старонкі A4.