Для каго:

Мастакі(-чкі) з поля танца, харэаграфіі і перформансу. Набор мае дзве лініі:

• Call 1 — пачаткоўцы з Паўночнага Рэйна — Вестфаліі: выпускнікі(-цы) танцавальных і мастацкіх ВНУ (не больш за 3 гады пасля выпуску) або тыя, хто нядаўна прыйшоў у прафесію, маюць 1–2 рэалізаваныя праекты і працуюць пераважна ў NRW;
• Call 2 — міжнародныя харэографы(-кі) і танцоўшчыкі(-цы), якія жывуць і працуюць пераважна па-за Германіяй. Іх даследчы план павінен мець канкрэтную сувязь з NRW і прадугледжваць працу з мясцовым кантэкстам і людзьмі.

У адной заяўцы — максімум 2 чалавекі.

Што прапануецца:

• Даследчы грант 5000 EUR на адну рэзідэнцыю;
• Двухтыднёвая рэзідэнцыя ў Вупертале або Эсэне ў партнёраў фестывалю — для 1–2 чалавек;
• Доступ да рэсурсаў пляцоўкі, драматургічныя кансультацыі і арганізацыйная падтрымка;
• Кампенсацыя дарогі паводле правілаў зямлі NRW (цягнік 2-га класа, авіяквіткі эканом-класа);
• Пражыванне падчас рэзідэнцыі і дапамога з пражываннем падчас фестывалю;
• Бюджэт на дакументацыю і матэрыялы — па дамоўленасці.

Што чакаецца ад удзельнікаў(-ц):

• Прысутнасць на месцы ўвесь перыяд рэзідэнцыі;
• Удзел у фестывалі tanz nrw 27;
• Удзел у фармаце абмену і публічнай размове (сцэнічны паказ не чакаецца).

Студыя агульная, праца ў ёй — па раскладзе (9:00–15:00 або 16:00–22:00).

Даты:

• Рэзідэнцыя — 26 красавіка – 10 траўня 2027 года;
• Фестываль tanz nrw 27 — 12–23 траўня 2027 года;
• Вынікі адбору — у снежні 2026 года.

Поўны пералік пытанняў — у PDF з умовамі (нямецкая і англійская).

Перад падачай можна далучыцца да анлайн-сустрэч з адказамі на пытанні 20 і 27 кастрычніка ў 11:00 (час Германіі); рэгістрацыя — на старонцы праграмы.

Кантакт: Mara Nedelcu, каардынатарка праекта — tanzrecherche@nrw-kultur.de

Арганізатары: NRW KULTURsekretariat і фестываль tanz nrw.