Для каго: мастакі(-чкі) з усяго свету, чыя практыка звязана з людзьмі, супольнасцямі, публічнай прасторай, удзелам, сторытэлінгам або калектыўным досведам.

Могуць падавацца:

• Візуальныя мастакі(-чкі);
• Муралісты(-кі);
• Міждысцыплінарныя мастакі(-чкі);
• Дызайнеры(-кі);
• Community-based practitioners;
• Калектывы;
• Архітэктары(-кі) і спецыялісты(-кі), якія працуюць з прасторай;
• Крэатары(-кі) на скрыжаванні розных дысцыплін.

Пра рэзідэнцыю

TED & POSCA Global Artist Residency — гэта рэзідэнцыя без адной фізічнай лакацыі і цэнтральнай студыі. Адабраныя мастакі(-чкі) будуць працаваць у сваіх уласных супольнасцях, развіваючы публічныя праекты, якія запрашаюць людзей да ўдзелу, дыялогу і супольнага ўяўлення. Працэс важны не менш за фінальны вынік.

Тэма 2026 года: Visible Mending.

Тэма прапануе разглядаць рамонт як творчы і грамадзянскі акт: як раны, разрывы і недасканаласці могуць стаць месцамі трансфармацыі, а не тым, што трэба хаваць. Арганізатары шукаюць праекты пра аднаўленне сувязяў, экасістэм, даверу, сацыяльных адносін і супольнай уяўленчай прасторы.

Якія праекты можна прапаноўваць:

• Публічныя інсталяцыі;
• Партысіпаторныя інтэрвенцыі;
• Калабаратыўныя працэсы;
• Перформансы;
• Часовыя актывацыі;
• Варкшопы;
• Праекты, заснаваныя на гісторыях;
• Гібрыдныя фарматы.

Асабліва вітаюцца праекты, якія:

• Звязаныя з канкрэтным лакальным кантэкстам;
• Уключаюць супольнасць у працэс;
• Моцныя канцэптуальна, але рэалістычныя ў рэалізацыі;
• Візуальна і эмацыйна выразныя;
• Адкрытыя да дакументавання і сторытэлінгу.

Прапануецца:

• 15 000 USD на кожны адабраны праект;
• Матэрыялы POSCA;
• Куратарская і творчая падтрымка;
• Бачнасць праз глабальныя платформы TED і Fine Acts.

Гатовы, цалкам распрацаваны праект на этапе падачы не патрабуецца. Адабраныя мастакі(-чкі) будуць далей развіваць прапановы разам з куратарскай камандай.