The Invisible Lab — паказ відэа на LED-сцяне ў UT Dallas
The Invisible Lab шукае відэаработы для экспазіцыі на LED-сцяне ў фае Harry W. Bass Jr. School of Arts, Humanities, and Technology Тэхаскага ўніверсітэта ў Даласе (UT Dallas, ЗША). Чакаюць працы пра тое, што ляжыць за межамі звычайнага ўспрымання: духоўнае, прыроднае і нябачнае ў заканадаўчым сэнсе (у арыгінале — the legislative invisible).
Для каго:
Мастакі(-чкі), якія працуюць з відэа і рухомым відарысам. Прымаюцца любыя медыя і падыходы, але гук падчас паказаў не ўключаюць — праца павінна «працаваць» без яго.
Абмежаванняў па краіне, грамадзянстве, узросце ці этапе кар'еры ў анонсе няма.
Што прапануецца:
- Паказ працы на LED-сцяне ў фае школы ў лістападзе і снежні 2026 года;
- Магчымасць трапіць у пастаянную лічбавую ратацыю (на меркаванне арганізатараў(-ак), пасля дадатковага разгляду).
Тэхнічныя патрабаванні:
- Працягласць — да 7 хвілін;
- Ад 1920 × 1080 да 4K, суадносіны бакоў 16:9;
- Імя аўтара(-кі) і назва працы павінны быць у правым ніжнім куце кадра цягам усяго відэа;
- Без аголенасці, адкрытага або «дарослага» кантэнту;
- Гук на паказах не прайграецца.
Колькасць месцаў: да 20 прац.
Арганізатар: The Invisible Lab (@theinvisiblelab_), Harry W. Bass Jr. School of Arts, Humanities, and Technology, University of Texas at Dallas.