Для каго:

Тэатральныя творцы, якія толькі пачынаюць самастойную мастацкую практыку, але ўжо маюць прафесійны досвед. Падавацца можна з любой сферы сцэнічных мастацтваў, асабліва з рэжысуры, акцёрскай працы, сцэнаграфіі і касцюма, драматургіі, тэксту, музыкі, відэа, перформансу, харэаграфіі і тэатральнай педагогікі.

Арганізатары(-кі) чакаюць, што ў вас ёсць:

• Каля пяці гадоў прафесійнага мастацкага досведу ў адной з гэтых сфер;
• Узрост прыкладна 25–35 гадоў — але вырашае не лічба, а этап творчага развіцця.

Пры адборы ўлічваюць не толькі мастацкі ўзровень, але і асноўнае месца працы (горад і краіну), а таксама тое, наколькі ваша практыка перагукаецца з тэмай Forum 2027: арганізатары(-кі) хочуць сабраць разнастайную групу. З калектыву можна падаць толькі аднаго чалавека.

Пра праграму:

У 2027 годзе на Forum запросяць каля 30 удзельнікаў(-ц). Яны разам глядзяць спектаклі фестывалю, абмяркоўваюць іх, удзельнічаюць у інтэнсіўных варкшопах з міжнароднымі мастакамі(-чкамі) і знаходзяць кантакты для далейшай супрацы.

Тэма 2027 года — «The Art of Watching Theatre». Кіраўнік і кіраўніца Forum Aljoscha Begrich і Sima Djabar Zadegan прапануюць разабрацца, што адбываецца, калі мы глядзім спектакль: чым прагляд рэпетыцыі адрозніваецца ад прагляду паказу, як захаваць свежы погляд і не паддацца прафесійнай звычцы думаць, што ўсё ўжо бачылі, і як убачанае ўплывае на тое, што мы ствараем.

Фармат:

Берлін, 6–23 траўня 2027 года, падчас Theatertreffen. Праграма пачынаецца 6 траўня ўдзень і завяршаецца 23 траўня ўвечары; дзень ад'езду — 24 траўня. Большая частка праграмы пройдзе ў Uferstudios, часта і на вуліцы на іх тэрыторыі. Перад Forum, у сакавіку і красавіку 2027 года, будуць анлайн-сустрэчы.

Праграма ўключае:

• Прагляд спектакляў Theatertreffen 2027 і ўдзел у суправаджальнай праграме фестывалю;
• Інтэнсіўныя варкшопы з мастакамі(-чкамі) пра практыкі сцэнічных мастацтваў;
• Размовы з мастакамі(-чкамі), звязаныя з Theatertreffen;
• Дыскусіі з дырэкцыяй фестывалю і журы Theatertreffen;
• Экскурсіі і магчымасць паглядзець спектаклі ў Берліне па-за праграмай фестывалю.

Што прапануецца:

• Квіткі на спектаклі Theatertreffen і іншыя падзеі фестывалю;
• Дарога ў Берлін для тых, хто не жыве ў Берліне, — самы эканамічны варыянт (умовы залежаць ад краіны, з якой падаецца заяўка);
• Праезд у грамадскім транспарце Берліна;
• Пражыванне: апартаменты на дваіх, у кожнага(-ай) свая спальня, агульныя гасцёўня з кухняй і ванная;
• Харчаванне або суткавыя;
• Медыцынская страхоўка і страхоўка на час падарожжа — за кошт Goethe-Institut;
• Візавы збор — за кошт Goethe-Institut.

Тым, хто жыве ў Берліне, праезд па горадзе, пражыванне і харчаванне не пакрываюцца.

Што чакаецца ад удзельнікаў(-ц):

• Быць на месцы ўвесь перыяд Forum (6–23 траўня 2027 года) і ўдзельнічаць у анлайн-сустрэчах перад ім;
• Актыўна ўдзельнічаць ва ўсёй праграме Forum і ў праграме Theatertreffen;
• Для тых, чый удзел фінансуе Goethe-Institut: пасля фестывалю зрабіць прэзентацыю ў Goethe-Institut у сваёй краіне (па дамоўленасці з мясцовым Goethe-Institut).

Для падачы патрэбныя:

• Запоўненая форма заяўкі;
• Фота, якое паказвае ваш адказ на пытанне «Як для вас сёння выглядае тэатр?» — да яго можна дадаць да трох сказаў, але гэта не абавязкова;
• Матывацыйны ліст (да дзвюх старонак A4) з адказамі на тры пытанні: што рухае вамі ў тэатральнай працы цяпер; які адметны спектакль вы бачылі апошнімі гадамі і чым ён вас уразіў; як вы глядзіце спектакль, калі ён пачынаецца;
• Творчае рэзюмэ (да адной старонкі A4);
• Прыклады прац з кароткімі апісаннямі, спасылкамі, візуальнымі і гукавымі матэрыяламі (да дзесяці старонак A4, да 5 MB);
• Для тых, хто працуе ў штаце тэатра або іншай інстытуцыі: пацвярджэнне, што вас адпускаюць на ўвесь перыяд Forum.

Дэдлайн: 26 лістапада 2026 года, 23:59 CET. Разглядаюць толькі поўныя заяўкі, пададзеныя да дэдлайну.

• Канец лютага 2027 года — аб'ява абраных удзельнікаў(-ц);
• Сакавік і красавік 2027 года — анлайн-сустрэчы;
• 6–23 траўня 2027 года — International Forum у Берліне.

Як падавацца:

Маршрут залежыць ад таго, дзе цяпер ваша асноўнае месца працы:

• Германія, Аўстрыя, Люксембург або Швейцарыя — заяўку дасылаюць толькі ў электронным выглядзе на internationales-forum@berlinerfestspiele.de;
• Любая іншая краіна (напрыклад, Польшча ці Літва) — праз партал Goethe-Institut; падрабязнасці пра падачу і дакументы — на старонцы Goethe-Institut.

Калі ёсць пытанні, арганізатары(-кі) просяць пісаць ім яшчэ да падачы заяўкі.

Кантакт:

• Berliner Festspiele – Theatertreffen – International Forum: internationales-forum@berlinerfestspiele.de, +49 30 254 89 182;
• Goethe-Institut, аддзел музыкі, танца і тэатра: Thomas Stumpp, thomas.stumpp@goethe.de.

Арганізатар:

Berliner Festspiele / Theatertreffen у супрацы з Goethe-Institut, Pro Helvetia, Федэральным міністэрствам жылля, мастацтваў, культуры, медыя і спорту Аўстрыі і Kultur | lx – Arts Council Luxembourg. Праграму падтрымліваюць Deutscher Bühnenverein і міністэрствы культуры федэральных зямель Германіі.