Для каго:

Маладыя беларусы і беларускі ва ўзросце 18–35 гадоў, якія:

• Цікавяцца грамадскімі і палітычнымі працэсамі ў Беларусі і думаюць пра будучыню краіны;
• Праяўляюць грамадзянскую, даследчую, медыйную або палітычную актыўнасць;
• Пачынаюць або плануюць кар'еру ў аналітычных цэнтрах, грамадскіх арганізацыях, медыя ці палітыцы;
• Хочуць навучыцца лепш аналізаваць, пісаць і прадстаўляць свае ідэі.

Спікеры і спікеркі:

• Антон Раднянкоў — старшыня Рады Цэнтра новых ідэй;
• Вольга Лойка — галоўная рэдактарка Plan B;
• Джэймс Ніксі (James Nixey) — брытанскі аналітык, эксперт Chatham House;
• Рыгор Астапеня — PhD, дырэктар Belarus Initiative у Chatham House, заснавальнік Цэнтра новых ідэй;
• Юрый Дракахруст — старшы даследчык Цэнтра новых ідэй.

Спіс спікераў(-рак) яшчэ будуць дапаўняць.

Што будзе ў праграме:

Анлайн-заняткі ідуць у 19:30 па мінскім часе (17:30 CET):

• 17 лістапада — Мапа кампетэнцый: прафесійны профіль, моцныя бакі і кар'ерная траекторыя ў грамадскім полі (Антон Раднянкоў);
• 19 лістапада — Крытычнае мысленне: факты, меркаванні, праверка аргументаў і крыніц (Юрый Дракахруст). Пасля занятку — кароткае эсэ з персанальным фідбэкам;
• 24 лістапада — Як выбіраць важныя тэмы ў міжнародным парадку дня і знаходзіць уласны ракурс (Рыгор Астапеня);
• 25 лістапада — Фармат і структура аналітычнага тэксту, у тым ліку па-англійску для міжнароднай аўдыторыі (Джэймс Ніксі);
• 30 лістапада — Уласны стыль: ясная мова без канцылярызмаў і штампаў (Вольга Лойка);
• 2 снежня — Падрыхтоўка да эфіру або каментара ў медыя і галоўнае паведамленне (key message);
• 7 снежня — Сімулятар вострага экспертнага інтэрв'ю з практычным фідбэкам;
• 10 снежня — Публічны вобраз: экспертнае пазіцыянаванне, рэпутацыя і праца з крытыкай;
• 14 снежня — Заключны занятак з выпускнікамі(-цамі) папярэдніх праграм Кампуса пра далейшую траекторыю.

18–20 снежня 2026 года — афлайн-частка для адабраных удзельнікаў(-ц).

Кантакт: info@politicalcampus.co