Title — BE
Threads of Social Fabric — праграма прафесійнага абмену для візуальных мастакоў(-чак) у Італіі

Subtitle — BE
Двухтыднёвая праграма ў Балонні для двух візуальных мастакоў(-чак) і аднаго(-ной) фота-/відэадакументаліста(-кі), прысвечаная супольніцкім практыкам і стварэнню калектыўнай тэкстыльнай інсталяцыі.

Slug
threads-of-social-fabric-shadowing-program-italy-2026

Excerpt — BE
CultureAndHealth Platform і Associazione Oltre…APS запрашаюць мастакоў(-чак) на міжнародную праграму абмену ў Балонні. Удзельнікі(-цы) будуць разам з мясцовымі супольнасцямі ствараць site-specific тэкстыльную працу, якая застанецца ў публічнай прасторы горада.

Content — BE

Для каго:
Візуальныя мастакі(-чкі), якія працуюць з тэкстылем, жывапісам, друкаванымі тэхнікамі, скульптурай, сцэнаграфіяй, дрэвам, змяшанымі медыя або іншымі практыкамі.

Таксама шукаюць аднаго(-ну) фота-/відэадакументаліста(-ку), які(-ая) зможа самастойна здымаць, мантаваць і рыхтаваць цэласную візуальную дакументацыю працэсу.

Колькасць месцаў:
– 2 месцы для візуальных мастакоў(-чак);
– 1 месца для фота-/відэадакументаліста(-кі).

Пра праграму:
Threads of Social Fabric — гэта не студыйная рэзідэнцыя для індывідуальнай працы, а праграма калектыўнага стварэння і ўдзельніцкіх мастацкіх практык.

Удзельнікі(-цы) будуць працаваць у раёне Cirenaica ў Балонні разам з мясцовымі арганізацыямі і рознымі супольнасцямі: дзецьмі, старэйшымі людзьмі, сем’ямі ў складаных сацыяльна-эканамічных абставінах, мігрантамі(-камі) і маладымі людзьмі.

Вынікам стане калектыўная site-specific тэкстыльная інсталяцыя, якую пастаянна размесцяць у публічнай прасторы, звязанай з сацыяльнай палітыкай або сферай грамадскага здароўя Балонні.

Фармат:
– 2 абавязковыя анлайн-сустрэчы: напрыканцы жніўня і на пачатку верасня;
– 8 удзельніцкіх варкшопаў;
– 1 дзень на мантаж фінальнай працы;
– Праца разам з мастачкай-ментаркай Lisa Martignoni і лакальнымі партнёрамі.

Калі і дзе:
20 верасня — 4 кастрычніка 2026 года
Балоння, Італія.

Скараціць тэрмін удзелу нельга.

Прапануецца:
– Пражыванне ў агульных пакоях у культурнай прасторы Camere d’Aria;
– Доступ да кухні і працоўных прастор;
– Тры прыёмы ежы штодня;
– Кампенсацыя дарогі: да 250 еўра пры адлегласці да 500 км або да 450 еўра пры адлегласці звыш 500 км;
– Даплата 350 еўра за экалагічны спосаб падарожжа на адлегласці больш за 600 км;
– Даплата 50 еўра для ўдзельнікаў(-ц) з астраўных тэрыторый;
– Даплата 100 еўра для людзей з абавязкамі па доглядзе.

Патрабаванні:
– Грамадзянства або легальнае пражыванне ў адной з краін Creative Europe, акрамя Італіі;
– Не менш за 3 гады пацверджанага прафесійнага досведу ў мастацтве;
– Англійская не ніжэй за ўзровень B1;
– Гатоўнасць працаваць у супольніцкім, міждысцыплінарным і site-specific фармаце.

Досвед удзельніцкіх або адукацыйных практык будзе перавагай, але не з’яўляецца абавязковым.

Для падачы патрэбны:
У тэксце ліста пазначыць:

– Імя, а таксама абранае імя і займеннікі, калі гэта актуальна;
– Асноўную мастацкую практыку;
– Нумар тэлефона і спосаб сувязі;
– Краіну і горад пражывання;
– Запланаваны маршрут і прыкладны кошт дарогі;
– Кароткую біяграфію да 3 радкоў;
– Спасылкі на сайт або сацыяльныя сеткі.

У далучэнні:

– Матывацыйны ліст да 1 старонкі;
– Партфоліа да 12 старонак;
– CV да 2 старонак.

Усе дакументы — у фармаце PDF.

Дэдлайн:
14 ліпеня 2026 года

Падача:
[cultureandhealth.italy@gmail.com](mailto:cultureandhealth.italy@gmail.com)

Тэма ліста:
Application Shadowing Program 2026

Арганізатары:
Associazione Oltre…APS у межах CultureAndHealth Platform, суфінансаванай праграмай Еўрапейскага Саюза Creative Europe.
https://www.cultureandhealth.eu/calls/international-shadowing-program-for-visual-artists/