Three Space Tokyo — набор выставачных праектаў на першае паўгоддзе 2027 у Токіа
Three Space Tokyo прымае прапановы выставаў, якія адбудуцца з студзеня да чэрвеня 2027 года. Арганізатараў асабліва цікавяць праекты, якія рэагуюць на ўнікальную прастору Three Space Tokyo; заснаваныя на працэсе або даследаванні; працуюць паміж культурамі і дысцыплінамі; эксперыментуюць з фарматам выставы або спосабам узаемадзеяння з прасторай.
Для каго: мастакі(-чкі), куратары(-кі) і творчыя групы, якія хочуць зрабіць індывідуальную або групавую выставу ў Three Space Tokyo.
Прымаюцца прапановы ў розных фарматах:
- Інсталяцыя;
- Візуальнае мастацтва — жывапіс, скульптура, mixed media;
- Перформанс;
- Працы, заснаваныя на працэсе або даследаванні;
- Камбінаваныя і міждысцыплінарныя фарматы.
Прастора:
Мастакоў(-чак) заахвочваюць выкарыстоўваць 1-ы і 2-і паверхі прасторы. 3-і паверх, які звычайна выкарыстоўваецца як рабочая прастора, таксама можа быць даступны ў залежнасці ад раскладу.
Умовы ўдзелу:
Абраныя мастакі(-чкі) робяць унёсак на падтрымку artist-run прасторы.
• Індывідуальная выстава — 67 500 JPY / ≈ 364 EUR;
• Групавая выстава — 87 500 JPY / ≈ 472 EUR.
Калі аплата ў поўным памеры складаная з фінансавых прычын, можна запытаць зніжэнне ўнёску і каротка патлумачыць сітуацыю ў форме.
Мастакі(-чкі) павінны быць на месцы падчас выставачнага перыяду.
Звычайны расклад:
• Пятніца, 19:00–21:00 — адкрыццё / reception;
• Субота і нядзеля, 12:00–18:00 — праца выставы.
Падтрымка можа быць даступная па запыце.
Дадатковая магчымасць:
У форме можна таксама адзначыць, што вы хочаце асобна разглядацца для Works in Progress – in situ. Гэта пяцімесячны творчы інкубатар, які пройдзе з лютага да чэрвеня 2027 года.
Колькасць месцаў — да 8 удзельнікаў(-ц).
Удзельніцкі ўнёсак — 50 000 JPY / ≈ 270 EUR за мастака(-чку).
Адбор у Works in Progress – in situ адбываецца асобна ад выставачнага open call. Калі вас абяруць у абедзве праграмы, трэба будзе паказаць розныя працы: завершаную працу для выставы і праект на ранняй стадыі для Works in Progress.