Tools for Democracy — 6-месячная рэзідэнцыя для дызайнераў(-ак) і мастакоў(-чак) у Германіі
Designer / Artist in Residence 2027 — гэта 6-месячная стыпендыя ад HfG Archiv / Museum Ulm і HfG Ulm Foundation. Тэма 2027 года — Tools for Democracy. У 2027 годзе HfG Archiv адкрые выставачны праект Otl Aicher: Shaping Democracy — Design Shapes the Future, прысвечаны працы Отла Айхера і яе палітычнаму ўплыву. Вынік рэзідэнцыі павінен тэматычна звязвацца з гэтай выставай і можа быць прадстаўлены ў ёй як «інструмент для дэмакратыі».
Для каго: дызайнеры(-кі), мастакі(-чкі) і творцы з розных дызайн-дысцыплін і візуальных медыя.
Асабліва запрашаюць прадстаўнікоў(-ніц) кірункаў, звязаных з традыцыяй HfG Ulm School of Design:
- Прадуктовы дызайн;
- Візуальная камунікацыя;
- Інфармацыйны дызайн;
- Архітэктура;
- Кіно;
- Гейм-дызайн і адукацыйны дызайн;
- Ілюстрацыя, у тым ліку графічныя раманы;
- Фатаграфія;
- Іншыя візуальныя медыя.
Праграма арыентаваная найперш на маладых прафесіяналаў(-ак) і новыя імёны ў дызайне.
Кандыдаты(-кі) павінны мець мінімум ступень бакалаўра да пачатку рэзідэнцыі.
Працоўныя мовы — нямецкая і / або англійская. Абавязковае ўменне чытаць па-нямецку.
Удзельнік(-ца) можа працаваць з тэмамі:
- Дэмакратыя;
- Грамадзянскі ўдзел;
- Выбары;
- Маніпуляцыя;
- Інфармацыя;
- Фэйкавыя навіны;
- Палітычнае мысленне Otl Aicher;
- Ягоная праца і ўдзел у дэмакратычных і мірных рухах.
Арганізатары не чакаюць дызайну «ў стылі» Otl Aicher або HfG Ulm School of Design. Ім важныя самастойныя, сучасныя падыходы.
Што прапануецца:
- Штомесячная стыпендыя 1350 EUR;
- Бюджэт на працоўныя матэрыялы — сума будзе вызначаная асобна;
- Аднаразовая кампенсацыя дарогі ў Ульм і назад;
- Працоўнае месца ў HfG Archiv;
- Доступ да майстэрняў;
- Даследчая падтрымка;
- Бясплатная гасцявая кватэра на кампусе каля былой HfG Ulm;
- Падтрымка ў камунікацыі і сувязях з лакальнымі партнёрамі;
- Магчымасці для прэзентацый і дыскусій;
- Прэзентацыя вынікаў у межах выставы Otl Aicher: Shaping Democracy — Design Shapes the Future.
Удзельнік(-ца) самастойна адказвае за:
- Cтрахоўкі;
- Візу, калі яна патрэбная;
- Жыццёвыя выдаткі і харчаванне.
Падчас рэзідэнцыі трэба працаваць з дакументамі і матэрыяламі з архіва HfG і спадчыны Otl Aicher, падрыхтаваць прамежкавую прэзентацыю і дакументаваць працэс і вынікі працы.
Для падачы патрэбны адзін PDF-файл да 15 MB, які ўключае:
• CV;
• Партфоліа з выбарам папярэдніх праектаў і дакументаванымі прыкладамі працы;
• Матывацыйны ліст;
• Апісанне прапанаванай працы або праектны план, звязаны з тэмай Tools for Democracy і HfG Archiv;
• Каштарыс і / або эскізы — калі ёсць.
Апісанне праекта і матывацыйны ліст — максімум 3 старонкі, на нямецкай або англійскай мове.
Спасылкі праз Dropbox і падобныя платформы не прымаюцца.
Таймлайн:
• Дэдлайн — 15 кастрычніка 2026 года, 23:59;
• Журы збярэцца ў лістападзе 2026 года;
• Вынікі плануюць паведаміць да канца лістапада 2026 года;
• Рэзідэнцыя — 2027 год.
Даслаць PDF з матэрыяламі на email: m.maentele@ulm.de
Кантакт:
HfG Archiv / Museum Ulm
Designer in Residence
Dr. Martin Mäntele
m.maentele@ulm.de
+49 (0) 731 161 4372
Арганізатары:
HfG Archiv / Museum Ulm і HfG Ulm Foundation.