Для каго:

• Маладыя беларусы і беларускі ва ўзросце ад 18 да 35 гадоў;
• Праграма ў першую чаргу разлічаная на тых, хто цяпер жыве ў эміграцыі ў краінах Еўрасаюза;
• Досвед грамадзянскай, студэнцкай, грамадскай ці палітычнай актыўнасці будзе перавагай, але не абавязковы;
• Галоўнае — цікавасць да будучыні Беларусі, гатоўнасць вучыцца, аналізаваць і прайсці праграму цалкам;
• Працоўныя мовы — беларуская і руская.

Тры этапы:

• Study Visit, 22–27 верасня 2026 года — пяць дзён сустрэч з экспертамі(-камі), даследчыкамі(-цамі), прадстаўнікамі(-цамі) грамадзянскай супольнасці і людзьмі, якія самі прайшлі праз палітычныя трансфармацыі. Асноўны матэрыял — досвед Польшчы і Германіі: якія рашэнні прымаліся, з якімі праблемамі сутыкаліся грамадства і дзяржава і да чаго гэта прывяло;
• Анлайн-курс, кастрычнік 2026 года — пяць тыдняў, каля дзвюх гадзін на тыдзень, з доступам да курса і агульнага чата пры падтрымцы ментараў(-ак). Курс пабудаваны як шлях «агента(-кі) пераменаў» вакол пытання, як узнікае і закрываецца «акно магчымасцяў» для палітычнай трансфармацыі;
• LARP Transformation Lab, 8–11 лістапада 2026 года — сімуляцыя палітычнай трансфармацыі. Удзельнікі(-цы) атрымліваюць ролі палітычных і грамадскіх актараў(-ак) з рознымі інтарэсамі і рэсурсамі: трэба весці перамовы, ствараць кааліцыі, шукаць кампрамісы, прымаць інстытуцыйныя рашэнні і рэагаваць на крызісы.

Што прапануецца:

• Дарога да месца правядзення і назад;
• Пражыванне;
• Харчаванне;
• Ментарская падтрымка падчас анлайн-курса;
• Матэрыялы курса як «handbook агента(-кі) пераменаў», да якога можна вяртацца і пасля заканчэння праграмы.

Калі і дзе: Польшча, з верасня па лістапад 2026 года. Дакладнае месца паведамяць толькі адабраным удзельнікам(-цам).

Арганізатары: праект рэалізуюць Задзіночанне Беларускіх Студэнтаў (ЗБС), Беларускі нацыянальны моладзевы савет «РАДА», Акадэмічная сетка Усходняй Еўропы (Akademisches Netzwerk Osteuropa, akno e.V.) і асацыяцыя «Салідарнасць».