Наша мэта — расказаць як мага большай колькасці беларусаў, беларусак і замежнай аўдыторыі пра тое, што Беларусь застаецца адзінай краінай у Еўропе, дзе ўсё яшчэ прымяняецца смяротнае пакаранне, і чаму яго адмена важная".

Для каго: праваабарончыя, культурніцкія, адукацыйныя і грамадзянскія ініцыятывы, валанцёры(-кі), актывісты(-кі), даследчыкі(-цы), студэнцкія супольнасці, бібліятэкі, універсітэты, культурніцкія прасторы і ўсе, каму важная тэма адмены смяротнага пакарання.

Можна арганізаваць:

• Кінапаказ і абмеркаванне;
• Лекцыю, прэзентацыю або дыскусію пра смяротнае пакаранне;
• Мерапрыемства ва ўніверсітэце, бібліятэцы, культурніцкай прасторы або ў сваім горадзе;
• Інфармацыйную кампанію;
• Іншую крэатыўную ініцыятыву, якая дапаможа ўзняць гэтую тэму.

Якую падтрымку могуць даць праваабаронцы:

• Інфармацыйную падтрымку;
• Экспертныя кансультацыі;
• Матэрыялы і мерч;
• Дапамогу з прасоўваннем мерапрыемства;
• Дапамогу з пошукам найлепшага фармату.

Калі ў вас ёсць ідэя або жаданне зрабіць нешта ў межах Тыдня супраць смяротнага пакарання, напішыце ў бот: @niepakaranniu_bot

Важна: Калі вы знаходзіцеся ў Беларусі або плануеце публічную камунікацыю з Беларусі, ацаніце ўласныя рызыкі бяспекі перад удзелам.

Арганізатары: Кампанія «Праваабаронцы супраць смяротнага пакарання ў Беларусі».